توليف الأرواح

ما كل ليلة يمسي البال مرتاح
ولا كل حزّة يصبح البال رايق
ولا كل بارق في سما خافقي لاح
له منزلة عندي وله قدر فايق
ولا كل من قاس البحر صار سباح
والعاشق بحوره غزيرة عمايق
والشعر ما هو بس جنّي ومصباح
الشعر حالة واختزالة حقايق
تصيبنا لامن شعرنا بالأفراح
وإلا ليا منه غدا البال ضايق
نعاتب حظوظ غدن قشر وشحاح
ونعيش ساعات الوله والحرايق
وإلى قصدنا كايد الهم ينزاح
والحب يسكن صادقات الوثايق
والعشق دربه كان توليف الأرواح
وأنت أقرب من الروح وأغلى الرفايق
وما يلفت الأنظارغير أنت يا صاح
ولا خفق قلبي لغيرك دقايق