(كلك ذوق)

معوّدني على الغيبة.. ولا يخفاك.. كلك ذوق=حضورك حلم.. ما بأقبل غنيمه غير تحقيقه
هلا بك.. قد ما عنّك خيالي ما يعيقه عوق=هلا بك قدّ ما طبع التغلي منْك ما طيقه
أحبك.. ايه أحبك قلتها لك وارتفعنا فوق=حشا ما ننزل وربي رفعنا عن مخاليقه
كفانا من ورى الدنيا هوانا والأمل والشوق=حريقة تحرق الباقي ولا تجتاحك الضيقه
ولا قبلك خلق ربي حبيب ولا انخلق مخلوق..=.. يفرّقنا.. مدام الله مجمّعنا بتوفيقه
ومهما قيل عنّك من حكايا مصدر ٍ موثوق=أنا بيِّت نيات التخلّي عن مواثيقه
عساني من سبات آخر عهد لي بالهوى مآفوق=وتاخذ خافقي وآخذ خفوقك من معاليقه
نخلّي حظنا غصب ٍ عليه يطيعنا ويروق=نعيش فحلمنا ما بين تكذيبه وتصديقه ؟!
وتطلع بنتنا تشبه أبوها بالدلع والموق=ويطلع ابننا نسخه من امه دون تخويقه
حبيبي لا تطوّل غيبتك يكفي / عطشتك شوق=وحلمي/ من زمن آدم/ ويبطي/ ما نشف ريقه