جهاد الغلا

الهوى اللي هب كسر شبابيك الحنايا=والله أنه ناوي ٍ من ورى التكسير نية
علموه إن ما بقى في معاليقي سرايا=علموه إن المعاليق من مبطي خلية
أذكر اللي باقي أيتام وأطفال ٍ برايا=ضاقوا بصدري وسلمتهم سيف ومطية
الجهاد اللي عشان الغلا ..كلهاخطايا=مير قلب الأدمي ما يحب إلا الخطية
صاحبي وإن كان وده يقدم لي هدايا=والله إني ما أعتبر غير جياته هدية
ما ورى نجل السحايب مقاصيد ونوايا=كود غيث ٍ لا نزل تحضنه صحراء يديه
والله إني لا أعتزى الشوق كسرت المرايا=والله إنه لاأعتزى الشوق سكينه طرية
الحبيب اللي خياله ملى كل الزوايا=أذكر إنه يوم سافر نسى الدنيا عليه
راح كله ..بس بالعين باقي له بقايا=صورة ٍ وإن جيت أجمع بها ضاع البقية
صاحبي وإن هب ..كسر شبابيك الحنايا=وإن سكن ,, هبت رياح الفؤاد النرجسية