(الحكاية)

الحكاية طيف لعيوني حضر
في سكون الليل..والسهرةعتاب
الغياب اللي سرق حلم العمر
واصبحت ايام عمري ك السراب
والصبر من وين ؟ ماباقي صبر
وين اروح وكل وجهاتي ضباب؟!
مرت الايام والماضي عَبَر
يطوي النسيان صفحات العذاب
مابقى من صفحة احلامي اثر
طارت الصفحات من وسط الكتاب
الامل في سكة الياس اندثر
وانكتب في صفحة ايامه غياب
الغلا طفلٍ بصدري قد كبر
حتى صار اليوم في سن الشباب
يكفي اللي فات من عمري..قهر
تكتب الايام حاضر ثم غاب!
عن رحيل العمر لايوجد مفر
بالنهايه كلنا تحت التراب