التابوت

الليل والذكرى وحسرة وضيقة=وضيعَة أمل والشوق والآه والفوت
مواجعٍ صارت بعمري حقيقة=وأنوح ما ناحت حمايم بتاروت
لوعات أعايشها وروحي غريقة=في روح من حبّه موثق ومثبوت
اللي ملكني بالصفات الرقيقة=واسمه مع حبر الشرايين منحوت
لولاه ما كانت جروحي عميقة=وسنين أعاني لوعته صمت وسكوت
سطرت له من صفو عشقي وثيقة=رغم إنّه أودعني على شرفة الموت !!
أبيه يعرف وش عذاب الدقيقة=وإنّه بسحره فاق على سحر هاروت
لعلّها تصحا مشاعر عتيقة=ويروف باحساسٍ قضى العمر مكبوت
ما أبيه يعمل شي ما لا يطيقه=أبي أشوفه قبل ما أرحل بتابوت
ياشين عاشق مايحس بعشيقه=وياشين حظك في الهوى ياصدى
الصوت