يامقدم النشره بعلم وخبر هام سامحك ربي زدت وقع الاصابه حنا منول ننتظر شفي الاسقام واثره ومره الله ينوّخ ركابه مرحوم يااطهر قلب من فجر الاسلام بعدالنبي المصطفى والصحابة الله يبيحك ياذرا كل منضام ياسيّد الطيبه وراس المهابه الشعب كله غادياً كنه ايتام كلن يهل الدمع من دون جابه ماهو بزيف احساس ومبهرج اعلام فقد الغلا والموت عنهم غدابه وانشهد انه فيك ماهو بمنلام كل الدول تبكيك مابه غرابه عفويتك تنبيك عن صدقك التام ماانت امتصنعها ولاهي نهابه يبكونك الايتام من شرّد الشام ويبكونك اهل العلم قدر ورحابه عسى العوض في راس الاخوان الاكرام وآل السعود اهل النقا والنجابه اللي لزراع الفتن حطوا لجام والشعب معهم سلم ولا حرابه
