(الفاتنة)

ويشاركنا لأول مرة كذلك الشاعر محمد بن غنام الطواله بهذه الهجينية وندعوكم لتشاركونا قراءته حيث يقول:
يالفاتنة بسألك تكفين
ليه المواجع بلا سبه
مغرم عيونك تعذب لين
ما قام يعرف سوا ربه
قد له شهر فوق هالشهرين
ومحمد النوم ما طبه
عايش ولايدري عايش وين
ماغير الاشواق تلعبه
لو ان نفسه طواها البين
ماكب دمعه ولو كبه
ماهو بيلعب على الحبلين
رجال يشهد له بحبه
مسامحك بس تعتذرين
والذنب له عذرا يجبه
ان كان ودك بحبآ زين
الباب يفتح مع الهبه
وان كان ودك كذا تبقين
عندي خفوقاً اضاربه