(حلم مشنوق)

( حلم مشنوق ) نص ابدعه الشاعر الهيلم المويس وخص به قراء ( ملامح صبح ) ومع شكرنا للهيلم على حرصه وتواصله معنا ندعوكم لمشاركتنا قراءته حيث يقول.. ياطير يللي للسماء نظرتك فوق اللي تبي تقدر عليه وتطوله مادام لا ساجنك شبكٍ ولا سْبوق وش تنتظر خذلك على الجو جوله يالله عسى ما يعترض دربك العوق تصبح لك بدوله وتمسي بدوله خل الذي ماله جدى غير طاروق طاروق شعرٍ لاتضايق يقوله كنه وصل للي يبى بلمحة الموق واللي يبي أكيد ماهو بحوله إقفت به الدنيا على كف مطفوق حلمٍ تقفّته السنين العجوله دونه طريقٍ مابعد صار مطروق متاهة الراجي محطة وصوله محطةٍ يذكر بها الحلم مشنوق مرحوم ياحلم الصبا والرجوله