صقر العروبة

شعر: غازي بن راشد بن عصاي العتيبي
مجد العرب شفته عظيم وهايل=في راس أبو متعب وصقر العروبة
عبدالله التاريخ فعل ودلايل=زعيم الأمة عزنا في دروبه
أمة محمد في جميع الوسايل=تثنى على الوقفات في كل نوبه
زعيم في مدحه تطيب المثايل =بحر العطا كل الخلايق حكوبه
حاتم زمانه في الصفوف الاوايل=ما خاب شعبه يوم شعبه هقوبه
أرض جديدة يا جميع العوايل=وانقرض معها والكرم من جيوبه
والناس بالدنيا تشوف العمايل=كم حاكم شعب الخطا حد روبه
في كل دولة جد حكم وبدايل=وكل على الكرسي يحسب ذنوبه
الا الزعيم اللي تحدى الهوايل=حاكم عدل كل البشر رحبوبه
عدله عقال بايمن الراس مايل=صقر العروبة كل الامجاد صوبه
شمر خواله نور كل القبايل=العز شمر والشمال هبوبه
عاداتهم كسب الثنا والجمايل=يا حي شمر كل مجد رقوبه
الله على داره يسوق المخايل=شعبه عزيز والشعوب معلوبه
يا حي اخو نوره عريب السلايل=المجد راسه والكرم من عيوبه