( سالفة عشق )

نص شعري جديد خص به الشاعر الجميل ( فاهد الرشيدي ) صفحة ( ملامح صبح ) بل وتمنى من ملهمته المعنية بالقصيدة أن تقرأها في ( صفحة هليل ) كما يقول ، ومع شكرنا له واعتزازنا بحرصه وتواصله معنا ندعوكم لتشاركونا قراءته حيث يقول :
هجع طفل الغرام .. ولا أنبلج ليل = وأنا أنطر طلعة القمرا .. تخيّل ..!!
ثمان سنين اصّبر للغلا حيل = يافجر(ن) في تخوم الليل ليّل
أنا لي صاحب(ن) ما ساير الميل = تحاشى حشمته هرج(ن) يقيّل
طلوعه بدر وعيونه مضاليل = بلاني بالهوى من كنت عيّل ..!!
صدفته بالصبا وأهداء لي أكليل = إلين إحتال في قلبي وميّل
رحل واشتلت في غيابه غرابيل = وأنا قبل أفقده صبري قليّل
تمادى في غيابه فتنة الجيل = أحبه .. دم بعروقي يسيّل
زرع حدب الحشاء شوق وتعاليل = يواسي جمرهن فوح المهيل ..!!
ابشعل شمع واسرج للأمل خيل = و لي في تمتمت حبك مقيّل
وأنا لك غيم ويديني مفاتيل = من اللي بأسهم كيد المعيّل
شعوري سالفة عشق بطرف ليل = تعال أقرأه في صفحة هليّل ..