حارس الليل

يا حارس الليل أنطح القمرا على جال الطرب
خلنّا انتفاهم .. قبل لا تابس عناقيد الغرام
وش لك؟ على درب(ن) تمده للتفرق والنشب
رح قبل لا يسرون.. واتعدّي على خير وسلام ..!!
مايكفي إن الغيم لا منه لفى داره نحّب
ما يكفي أنك في فجر ليلي تضحي كل عام
طعني.. و(أمان الله عليك).. أني ما سولف للعرب
عن غلطتك يوم امنوك الخيل وأهجوع الخيام
ما جيتك أنشد عن مسافات الخطاوي والتعب
جيتك وأنا الحالم بضحكات الليالي والغمام
خل العيون اللي بهن ليل السهر جال ولعب
تلقى عيون (ن) صوبني في ذريفات السهام
اب.. أساله عن شمس حبه يوم تاليها غرب
وش حط لي بأعماق قلبه عن خفافيش الظلام
هو نبع حبه في دجى الفرقى من الوحشه نضب
وإلا الهوى يلعب بخفاقه ليا ناح الحمام
من يجني الفرقى يجي عمره على هم وكرب
ومن يسقي زهور الغلا يصبر على نار الهيام