افا يا فلان!

افا يا فلان
افا يا فلان
تركت اهلي...
تركت اهلي وتبعتك في بحر غبّة
وقلت ريلي على ريلك...
ولا ابغي شي في دنياي
غير اسمع مواويلك...
عطيتك بالدجى عيني
وقلت يا فلان شوف بها...
وخذ جفي قبل لا تدخل الهيرات
افتل من ضحك عيني حبل للقوع شد بها...
وهذي الروح... ما هي بروح
لو عاشت ولا احد استفاد بها...
تبعتك في بحر غبة
وكان اسمك يبرحني...
وكان صوتك يفرحني...
وكان... وكان
افا يا فلان
بعد كل هالتعب
اتيي وتجرحني...
بعد وتقول سامحني...
شسامح ؟؟
وانت بنابك تصافح!!
وجدرك بالجذب طافح!!
احسك بالظلام...
تنهش لحم جتفي...
وانا اشوفك...
وبقعة دمي بجفوفك...
وارد اسمع حجي...
ما ينطقه انسان...
افا يا فلان...
افا يا فلان!