إحراق سيارة مواطن وشقيقه أمام منزلهما بعد تعاونهما مع شرطة الرياض

تحقق الجهات الأمنية بشرطة منطقة الرياض في قضية إحراق سيارة مواطن وشقيقة أمام منزلهما في ظروف غامضة.
وأكد المواطن عبدالملك اللحيدان في شكوى تقدم فيها للجهات الأمنية مفادها أن إحراق سيارته وسيارة شقيقه جاءت بعد أن قدم معلومات للجهات الأمنية في مركز شرطة الملز بشرطة الرياض عن بعض الجناة في الحي بعد ارتكابهم لإحدى الجرائم داخل الحي الذي يقطنه وأضاف بعد القبض على الجناة وردني اتصال بالتهديد والوعيد وبعد فترة وجيزة صدمت بالنيران تنبعث من سيارتي وسيارة شقيقي أمام منزلنا ! ورجال الدفاع المدني يحاولون السيطرة على الحريق .
ويضيف اللحيدان : وبعد هول الصدمة لم يتبادر الى ذهني سوى الأشخاص الذين قاموا بتهديدي فتقدمت لشرطة الملز بشكوى وأبلغتهم بالقضية وتعاوني في الإبلاغ عن الأشخاص الذين سبق وأن قاموا بسرقة إحدى السيارات في الحي الذي أسكنه والتهديد الذي وردني بعد القبض على أحدهم مباشرة .
وطالب عبدالملك الجهات الأمنية في شرطة الرياض بسرعة القبض على بقية المتهمين في القضية وتوفير الحماية له حيث أصبح يعيش في حالة من الذعر -على حد تعبيره -.
وقال: علمت أن الجهات الأمنية في شرطة الرياض قبضت على أحد المتهمين وتواصل التحقيق معه لكني لا زلت أشعر بالقلق متسائلاً عمن سيعوضني عن الخسارة التي تكبدتها في إحراق سيارتي وسيارة أخي أمام منزلنا .
المثل يقول ابعدعن الشر وغني له مالك ومالهم .
الله يهديك بس لو انت مخليهم وبكيفهم كان ماجاك اللي جاك
تدري ليه اقولك الشي هذا لانه مافيه اي عقوبه رادعه للا اجناس اللي زي هذولا
ولا كان ماااشفت سرقات ولا مشاكل الواحد لا مسكوه تحقيق وبعده يطلع ويقاله لا تعودله
لو فيه قال الله وقال الرسول كان ماجاك شي انت واخوك
لاكن هذي عبره للناس الثانيه الملاقيف اللي تحسب الدوله تبي تحماهم ويطبقون الشرع بالجناة
الحين امش جنب الحيط وداري بعد لا يصيبك شي وخل الدعوا ترعااء على قولتهم
مالك ومال المشاكل يااابوووو ؟؟؟؟ حذفة للذوق العام
طريقه جديد لطراره
الله يعوض عليك
والمسجد اكسبلك
( ) اللقافه شينه وانت عارف الوضع
السؤال الذي يتبادر للذهن من أين علم هؤلا أن الذي بلغ عنهم هذا الشخص؟
أتذكر شخص أعرفة بلغ عن مجرم وبعد ساعتين جاءه المجرم وقال له أنت فلان بن فلان قال نعم - وكان معه مسدس - فهدده
وبعدها قرر هذا الشخص أن لا يبلغ الجهات الأمنية عن أي مجرم مهما كان الامر.
السآكت عن الحق شيطان اخرس
فكيف تبونه يسكت وهو يشوف سيارات الناس تنسرق ويسكت
ولو انا وانت والكل اسكت كان الحراميه انتشرو في كل مكان
الله يعوضه بدال السياره عشر وربي يوفقك ويستر عليك
يالي بلغت عنهم .
عاطل عام \"\" اشكرك على الكلام والاسلوب الرائع لان كلامك احسن تعليق واسلوب رائع
إذا كان النظام لا يستطيع ردع هؤلاء فكيف تريدهم أن يحموك ..
ظاهرة السرقة انتشرت بشكل كبير حتى أصبحت عصابات بسبب عدم وجود الرادع وعدم تطبيق حد السرقة .. فالسرقة أصبحت مهنة لدى بعض المجرمين..
الشرطه عندنا مخترقه قبل مده واحد انسرق بيته ومسك الحرامي وبلغ الشرطه وبعد ساعتين قبيلته كلها عند بيته يقولون طالبينك تنازل من علمهم عن بيته واسمه غير الشرطه
انتم ما تسائلتو لماذا يسرقون أصلن ؟
وحرق السيارة من أمن العقوبه أساء الادب
الأخ : عاطل عام :
الف تحيه وتقدير لاسلوبك المميز والذي يعبر عما في انفسنا وأكرر شكري وتقديري لك
صديق لي بلغ عن حرامي طب في بيت جيرانهم بعد يوم حدوه ثلاث سيارات ونزلو عليه
وهو مع عيالة ونزلوة وجلدوة وسرقو سيارتة وقالو امس سرقنا جارك اليوم جاء دورك
الرجال الى اللحين يعالج من الكسور والسيارة ما لقها
والشرطة ,,,,,,,,, لاتعليق
اصحاب الردود الاربعة الاولى..ما ضيع بلدنا الا اشكالكم لو ينسرق واحد منكمك
كان اول من ينابح انت واياه.
الله يقويك اخي المواطن اللحيدان ويستر عليك وعلى كل مواطن شريف هو صمام
الامان الاول كما قال الامير نايف حهظه الله
ياشباب الحين لو كل شخص منا شاف اي شئ وسكر ولم يبلغ انتشرت المشاكل
سرقه وطمر على المنازل ومن الافضل ان يتم ابلاغ الشرطه ولكن يجب على الشرطه
عدم الابلاغ عن المبلغ او توضيح معلومات المبلغ وتبقى في سريه تامه
ولكن هناك مشكله ثانيه اذا بلغت لازم تحضر وتشهد ضد الشخص ( الحرامي ) وهناء
يتعرف عليك الحرامي مثلاً الحرامي من الحى الذي اسكنه أو من الاحياء القريبه مني
ما عليه منه استطيع ان اشهد ضده ولكن اليوم الثاني تلقى الحرامي يدور حول بيتك
والسبب ليش تبلغ عني ويقوم بتهديد مثل ما حصل للاخ صاحب السياره المحترقه
لا يوجد نظام يكون فيها المبلغ بعيد عن هذه المشاكل خصوصاً اذا انمسك الحرامي
متلبس ما له داعي يحضر المبلغ او اعطاء الحرامي معلومات عن المبلغ
ولكن اذا سكت كل شخص عن المخلين بالامن يمكن تحصلهم يدورون في الشوارع من
بيت إلى بيت والدوريات الامنيه ما هي بمثل أول تلقى اغلب من يستلمون دوريات من
صغار السن وحديثي التخرج تلقاه على جوال بلاك بيري يتصفح يقضي ورديته وما
يصدق ينتهي الوقت ويسلم يجب تكثيف دوريات البحث السري وخصوصاً من بعد
الساعه الثانيه عشر لليلاً لان المشاكل والسرقات تبدا من بعد 12 ليلاً حتى صلاة الفجر
السلام عليكم
أبو نادر ..... أسلوبك وقح هداك الله وأسأل الله أن يعوضالمواطن الذي تجاوب مع الحس الوطني وأبلغ عن المجرمين حماية للجميع وأكررسؤال الأخ فهد : كيف علم الجناة بتعاونه مع الشرطة ؟؟؟؟!!! أم أن لهم جواسيس بين الشرطة أم أن الأمور فوضىفي فوضى ؟؟
الله يعوضه ويعينه وواجب الشرطة حمايته من المجرمين والتعامل معهم كحالة خاصة للقضاء على هذه الظاهرة وأتمنى أن يحقق مع الشرطة لمعرفة من سرب الأخبار وعقابه .
لأنت بطل ومواطن مخلص عكس من ينتقدك هنا فهم جبناء وليس لديهم وطنية ولكن كان يجب عليك أن تراعي سلامتك في موضوع التبليغ .
إذا ثبت القضية على المتهمين فيجب على الشرطة أن تعوضك كما تفعل مع من يكشف الجرائم الكبيرة
اين حماية المواطن من هذا العمل الجبان من حثاله مجتمع لا يستحقون الدفاع و التهاون عنهم
الجبناء فقط هم من يقولون مالك ومال الناس وابعد عن الشر وغنيله
وين الامر بالمعروف والنهي عن المنكر !!
ترا هذا من باب الامر بالمعروف والنهي عن المنكر وارجع لشرح العلماء الاولين وتحصل هالشي موجود
وشفينا نبي نطبق بعض الدين ونترك البعض الي مايناسبنا !!
الا جزاك الله خير يالي تعاونت مع الشرطه
واعل ان الله قد حفظ حقك وحق اخيك
وان اجرك عند الله لا اجر كبير
واعل ان هؤلاء الفساق لايختلفون عن اليهود بشي
فاليهود يحاربون المسلمين من الخارج
وهؤلاء يحاربون المسلمين من الداخل ويروعونهم
وانصحك وانصح الباقيين بالتعاون مع رجال الشرطه في محاربة هؤلاء
هنا يبان الرجل الشجاع من الرجل الجبان
وهنا تظهر الرجال معادنها
لايخيفكم اشباه الشياطين المجرمين المدمنين الذين لايردعهم رادع حتى لو اظطروا لبيع اعراضهم
حسبنا الله ونعم الوكيل في هؤلاء المجرمين اللهم ابتليهم في اجسادهم وصحتهم وعافيتهم واموالهم واجعل حياتهم وبالن عليهم وشتت شملهم واكشف من ساعدهم
اللهم عليك بمن يساعدهم ويتستر عليهم اللهم افضحه على رؤوس الخلائق
وابتليه بالامراض والاوبئه
اللهم من ارد بلادنا وامنننا بسوء فعجل بهلاكه يارب العالمين
اللهم اني اسألك باسمك الاعظم الذي اذا سألت به اجبت ان تشغل كل من اراد بامننا وبلادنا سوء ان تشغله بنفسه وصحته وماله يارب العالمين
والله أذآ الدولة مآتحميييك ولاتعوضك
أسكت عن الحق مجبوور
فالقآع دة الشرعية تقول : درء المفسدة أولى من جلب المصلحة
المفسدة عن مآلي وأهلي وضيآعي أولى من أجلب للدولة حرآميه هم يدرون عنهم ويتغآفلون
أو نآيمين بالعسل ومخلينهم بالشوآرع يسرحوون
الله يعوض عليك ولا تنتظر مستحيل الدوله تعوضك
خخخخخخخخخخخخخخ
ذكرني بسيارة الوالد انسرقت يوم العيد
وبعد مابلغنا
والله انا واخوياي ندور عليها وشرطة ينبع ماعندك احد
وبعد ماحصلنا السيارة ماسووا البصمات
قالوا يهددونا ويكسرون سيارتنا والا نعرفهم
ابونادر شكلك واحد منهم والله اعلم
محد ظربك على يدك وتتحرش فيهم ..أتعض ياأخي وخليك بنفسك شاهد ماشفش حاجة
الله يعوضك خيرا منها ,,,,,, انا انسرق بيتي والحمدالله ما احرقوه قالوا الاهل بلغ الشرطه قلت ما عليش عشان بكرا يخطفون احد عيالي ولا يسوون شي اعظم سرقه تفوت ولا حد يموووووت معليش النظام ما يخدمني عشان ابلغ اكبرهااا ( تعهد ) ويا دار ما دخلت شرررررررررررر
السلام عليكم :
لو واحد منكم انسرقت سيارته وإلا هشم زجاجها ماقلتوا ابعد عن الشر وغني له او امش
جنب الحيط على قولكم . بس مع الاسف هذا آخر الزمان ترى المنكر ولا تنكره يعني لو
لقيت سيارة جارك وواحد يحاول يسرقه توزي راسك ؟ وتصد علشان الحرامي لا يشوفك
قمة الجبن .. ياخي السروق له حكم بالشرع إذا الامور وصلت لهذا الحد تقع يده وخله
يرتاح ويريح الناس منه عاد هالسروق راعي طويله يهدد علشان المرات الجايه ما أحد
يبلغ عنه مصمم على السرق ماله غير قطع اليد وإذا ماكفت اليمنى وراها اليسرى
والله يديم حكم شرع الله على المسلمين
عموماً الاخ الذي بلغ عن الحرامية بيض الله وجهه ورجال الامن سوف يجدون الذي فعل
هذا الفعل بسيرات الرجال وبعدها الله يهينه يدفع قيمة السيارات ورجله فوق رقبته
ويقام عليه الحد الشرعي
من امن العقوبة اساء الادب
واللة يااخوان اني اشتكيت عدد من الجناة مثبتة عليهم التهمة وكل بعد فترة يطلع منهم واحد بكفالة واللي يطلع مايحضر للجلسات الاخرى وعاد ييييييييييييييييييييييييي وأنا المدعي غبت جلسة واحدة وبعذر من اصل 12 جلسة تقريباًفقاموا بشطب دعواي
وتبغون المجرم ماياخذ راحتة على الاخر
الاخ قصيمي كول ومن على شاكلته .اشتم رائحة من ردودكم تدل على انكم مؤيدين السرقة .والمواطن هو رجل الامن الاول .والرجل العاقل لايرضى بالجرائم تحصل وهو ساكت عليها .ولو كل الناس ابلغوا جهات الامن لخاف المجرمين من ارتكاب الجرائم .
dياخوي عبد المللك اللحيدان روح عند الشرطة وكبر رتبة وعلمة الموضوع وراح تاخذ حقك كامل زي واحد عندنا في الخرج أخوة يشتغا في شرطة الخرج وكيل رقيب وتضارب مع واحد من عيال الحارة وكفخة ولد جيرانا وبعدين الولد الثاني الذي أخوة في الشرطة راح وخذ بنزين وحرق سيارة ولد جيرانا وبعد ماهي سيارة الولد سيارة أخوة الكبير وبعدين جات المطافي وطفت السيارة وجت البحث ودالدلة الجنائية وقالولة مين تتهم قال فلان بن فلان العتيبي وبعدين جاء أأخوة كلم بعصض الظباط عشان يزبطوة الوضع بعدين راح الرجال لمدير الشرطة العميد وقال الولد حرق سيارتي وخوة شغال في الشرطة يتستر علي أخوة والواسطات شغالة ؟؟؟ مسكو اخوة وحطوة في التوقيف قعد شهرين لين ماسدد قيمة السيارة وقدرها شيخ المعارض 30 ألف ودفعها من فوة خشمة ؟؟؟ولاتتنازل علي حقك وخلة يطخطخ في السجن ليين يدفعلك حقك ولايضيع حق وراة مطالب ولله يكون في عونك وخلك ذي المرة في حالك ماعليك من أحد ؟؟مسوي رجل الامن الاول ؟؟؟
مالك الا محمد بن نايف الله يطول عمره
اكتب معروضك وقابله
ويبي يرجع لك حقكم بالسيارات وعقاب المجرمين
لحين اذابغية تبلغ عن ماصوره مكسوره قالك حق البلاغات اسمك ثلاثي ورقم جوالك تقل بيزوجك الله يعطيك العمى الشارع مليان من المياهه خل المراقب يطلع ويشوف بعينه بعدين الاخ غلطان يوم راح بلغ والشرطه اعرفته المفروض اخذله شريحه من البقاله واتصل فيهم وبلغ لانه مارايح يجيله اي تعويض عن السياره والله يخلف عليه
الدولة ماقصرت ملايين من رجال الامن السريين والجهريين يجوبون البلاد
بطولها وعرضها ومهيئين نفسيا وجسميا للجرائم ومدعومين ماديا ومعنويا
قلي بس ليش اللقافه ولا شايف نفسك وزير الداخلية
الله يرحم جدتي مزنة بس
كلام عاطل عام يشفي ويكفي
الى ابو نادر
ماهكذا تورد الابل
صاحب السياره الله يعوضك
الله يخلف عليك يا اخي المفروض مركز الشرطة متابع القضية ما يحطك في الصورة ويكشف شخصك وهذا غباء من ضابط التحقيق ويكثر هذا النوع في الشرط لقلة الخبرة وهذا والله انه حدث امامي في مركز شرطة مخبر اخبر عن شخص يقوم بسلب المسنين امام المصارف با لقوة فما كان الضابط الاحجز الشخص وارسل في احضار المدعى عليه لمقابلته بالله هذا اجراء صحيح ...... ؟
الى فاهمهم ابونادر واسمك ماظن يمت لك بصله المفروض تسمي نفسك ابوواجد لان منهم بشاكلتك واجد مااشكل عليهم غير العيارة والانتقاد الجاف واللامنطقي دليل ماتتنفس به هو مايقال لك وترمي بمهاتراتك على الناس!!! المفترض ياواجد انك تؤازر اخيك بمحنته وتؤيده وتأخذ بيدة لإظهار الحق والدفاع عن ممتلكات الغير ((يافهيم ))استبدل حرف (الفاء ب الباء ) بالكلمه السابقه التي بين الاقواس اذا لم تفهم ماسبق
التعاون واجب بين الجميع وكل واحد عين ساهرة لأخيه وخاصة الجيران
يحميه في ماله ونفسه وعرضه..
بلغ عن المجرمين وحاول قدر المستطاع انهم مايعرفوك
ليش الخوف؟
هذا الي يبيه الحرامي الناس تشوفه ولا أحد يقدر يسوي له شي
ياخوي ياللحيدان تلاقي اول من بلغ الحرامية عنك ... جارك اللي انسرقت سيارته
وشتبي بالمشاكل مع الناس البلد مدحدر من زمان . ويالله السلامه
اغفل عن الناس يرزقك الله وانتبه لعيشتك ورزقك ومستقبلك وشف اهلك وش يبون
لانك تزرع بأرض صبخه ديرته ماله والي وامين
تحيتي لك
اخوي الللحيدان الله يعوضك ويخلف عليك باحسن من اللي انت فيه
واما الشرطة
انا سيارتي مسروقه من قدام باب البيت ببريده
وصارلي الحين تقريبا ثلاث سنوات ما احد جايب لها خبر
تحيه طيبه لكل ابناء الوطن الحريصين على امن بلدهم
اخي الله يعطيك العافيه والله انك شهم لان من صدك ولامك هو شيطان
احب اوضح نقطه مهمه بخصوص السرقات والخصها ( حاميها حراميها )
مثال بسيط من الواقع
شف السيارات بحجز المرور
مشلح منها المسجل الكمبرسور طوس انوار الزنن واي شي يوخذ بسهوله مايسلم الا البدي والماكينه
وتجد الشباب اللي مستلمين الحجز سياراتهم لاينقصها شي وجميع مابها قطع وكاله والعده موجوده بالكامل بشنطه السياره والله قبل كم يوم شفت واحد مركب لسيارته الفورد 2000 طبلون كامل 2008 والعجيب انه واثق ماحد يسئل
يوم الاربعاء الماضي قدم شخص لاداره المرور يشتكي من حراس الحجز لانهم اخذوا مسجل سيارته فورد 2009 والسماعات الخلفيه علما بانه كامل مواصفات وانوار الهيدروجين وقيمة الشمعات 1200 ريال مع العلم انه ليس تبلي لان الرجل طلع فاهم وصور سيارته بالكامل بعد وقوفها بالحجز مباشره والسيارات المجاوره لها ولاكن السلطه بغير حق ظلم لم يستفد اسبوع وهو من مكتب الى مكتب
هذا مثال بسيط وافهم يافهيم
وهذا الحادث لاتقولون صار في سوريا او لبنان ههههه والله ان عندنا مجرمين عتاه يبي لهم السيف الاملح
يا اخوان نحن نجهل النظام وللاسف اللي يعملون بالشرط هم اول من يجهله او يتجاهله
تصدقون اني بلغت عن سرقة سيارة وعرفت مواصفات الجاني ورقم لوحته وتم القبض على السيارة طبعا اللوحات كانت مسروقة لم يكن هو الجاني
الشاهد : طريقة التعرف على الجاني
ذهبت للشرطه بعد طلبي منهم وحضر الضابط وانهال علي بالاسئلة حتى عمري تم سؤالي عنه
نزلنا للتوقيف نادى الضابط باسمي علنا امام الموقوفين
عندما شاهدتهم ولم يكن معهم الجاني سألني امامهم هل هو معهم جاوبته خير ان شاء الله كرر السوال هل هو معهم جاوبته لا
امامهم وعلى مراى ومسمع منهم بالله عليكم لو كنا المجرم معهم هل تتوقعون انه سينتقم مني الجواب نعم
المكان : شرطة حي المنار بالرياض
مالك ومالي يازين
المفروض يحقق مع المستلمين في العمليات هذاك اليوم ويعاقب الخائن
اقول انت واياه
بلا جبن
بلغ ولا عليك من احد
والله ينتفونهم تنتيف
قال ايش ابعد عن الشر وغنيله
عجبي ماهذا الجبن والخوف
تدري وش تزين؟؟؟
انصحك ترد بالمثل احرق سيارته او سيارة اخوه اذا ماعطوك حقك الشرطة
بعدين انت تعرفه واضح من كلامك ياخوي جمع لك شله احتياطا لا يصير معه احد والعن ابو ابوه
اذا صارت الدعوه فوضى كذا اجل رحنا فيها
ما قول الا يااااااااحبيل بريدة توقف عند البقالة سنة وموترك شغال ما حد يتعرضه