طلب من القراء مساعدته.. مواطن يتعرض لسرقة سيارته بعد أن تمت سرقة الذهب بمنزله قبل أيام..!!

فيما كان أحد المواطنين ينتظر رجوع مصوغات ذهبية سرقت من منزله تقدر قيمتها بثلاثين ألف ريال تفاجأ برجوع السارق بعد عدة أيام ليسرق سيارته الجيب لاند كروزر والتي تفوق قيمته المئتين ألف ريال..!!
التفاصيل تكشف أن المواطن حضر لمنزله الكائن شمال بريدة بعد ساعة غاب فيها لشراء مستلزم بسيط مع عائلته ليجد البيت مسروق والذهب مسروق حيث كان في علبة خاصة وبداخله أيضا مفتاح (ريموت كنترول) احتياطي لسيارته الجيب لاند كروزر موديل 2010م حيث لم يفطن لذلك إلا متأخرا بعد أن عاد السارق بجرأة غريبة مجسدا عدم الخوف من العقاب ليسرق السيارة فجر اليوم السبت وسط موجة من الغضب الشديد للمواطن الذي يتساءل عن الحال الذي وصل إليه المواطن السعودي وهو يسرق وسط منزله ..!!
السيارة الجيب لونها أبيض ورقم لوحتها هو ( أ ي ط 1616 ) بحسب طلب المواطن الذي يأمل أن يتعاون معه المواطنون للعثور عليها ,,!!
يمكن لو لوحتها م ي ط تلقاها
الله يكون بعونك يالغالي
تواجد بأماكن التطعيس لعل وعسى ان تجد جيبك
ويابلادي واصلي
لا حول ولا قوة إلا بالله ، الله يعوضه ، اما السارق يستحق قطع اليد
إذا تم القبض عليه . بعد السجن 6 او 5 سنوات .
اتمنى ان نرى يد السارق تقطع!!!!!!!
اسرق ما شئت فأنت في دار فور
عندما تغيب الجدية في تطبيق الحدود الشرعية التي شرعها الإسلام
حتى تقضي على اختلال الأمن وتردع الجاني
فأمر طبيعي أن يحدث مثل هذا وأكثر
اسأل الله سبحانه وتعالى أن يرد المسروقات لصحابها
أنه سميع مجيب
من أمٍن العقوبه .. أسآء الأدب ..
يآآنآآس صرنآ نسمع سرقآت في اليوم (( خمس مرآآت ))
يآ بعد قلبي ما بقآآ الا نصل الى معدل روسيآ اليومي للسرقآآت ..
ليتني في جيل ثآآني ولآ ماحييت ..
[[]] الله يلطف ب الحآآآل [[]] ..
والله احس ان سيارتي هي المسروقة
ااااه لو يطب بيدي ابن ال.......
شي يجيب السكر والضغط ويفقع المرارة
فزعتكم مع الرجال ياهل الفزعات الرجال ينخاكم
اقترح انشاء شركة مساهمةللحرامية...ندفع رسوم ترضية للحرامية علشان تسلم مدخراتنا
اقل شي الواحد ينسرق برضاه ويحس بالامان
والله لو يطبق حد السرقة ان يعلقون الناس مفاتيح سيراتهم على ابوابها ولا يجيها شي
طقتين في الراس توجع الله يعوضك
يارب رد سيارة الرجال واكشف ستار السارق يا رحمن يا رحيم
وارزقني سيارة مثلها
يا رب العالمين
الله يعينك ويخلف عليك .... وش سالفة السرق ببريدة كاثر هالأيام ...؟؟؟؟
الله يستر .
لا تقولون بطاله هذا قوي وجه والله ينتقم منه
للي عنده ذهب يحطها بخزنة بالبنك
الحمدلله طفرانه ماعندي ذهب ولا كان اموت من القهر
ايه هين الله يستر لا تروح تشليح الموتر
تستاهل
الله يعينك ابو عبد الرحمن ويقولون ما يبتلى الا المؤمن الله يرجع لك ذهبك وجيبك يارب
حسبي الله و نعم الوكيل على هذا المجرم
الله يشل يديه
و إن شاء الله يتم العثور عليه و على السيارة لكي ينال جزاءه
الله يخلف عليك ويردلك ماسرق امين يارب العالمين خل املك بالله كبير والاترا ماحولك احد000المشكله اذ اطلع واحد من اياااااهم وقال السعوديه تطبق الشرع وااااااااسفاه والله ان الشرع بعيييييييييد عن الحاكم =(والا لماوصل حال الشعب نصفه حرامي والنصف الثاني خايف من هالحرامي صح والالا
وين ساهر .. والا المخالفات بس ..
عودة السارق تدل على أنه من القريبين من الحي بمعنى آخر ( أنه لم يأخذ سرقته ويهرب بعيداً )
وأيضاً تدل على أنه سارق غير حذر إما لتعوده على السرقات أو أنه غير طبيعي
لا حول ولا قوة الا بالله
السرقات في تزايد وجرائة لا حدود لها والسبب غياب الجهاز الامني وتكديس القضاياء بالارشف وتسجيلها ضد مجهول .
حتى الواطن في منزله لا يجد الامان
اسال الله العلي العظيم ان يرد ما سرق لك
تلقاه عن محلات التشليح
حط جائزه لمحلات التشليح ويجيبون خبره
لا حول ولاقوة الا بالله
هذا المفروض تقطع يده
وبعد ايام تقطع رقبته
الي هذا الحد وصل الحال
حررررررام يلا يمكن ماطلع علي الذهب زكاه ههههههه
ولله ياخوان مازيد عليكم ماذكر شفت دوية في الحي اللي انافيه وسرقت بيتي مرة جلست اوصف بدون مبالغة اربع مرت للدوريات مادلو البيت اخر شي رحت اجبهم بسيارتي مع الاسف هذولا حامين الديار
مادري وش يسوون الشرطة الشمالية
جيدين باستقبال البلاغات وتعبئة الاستمارات
اقترح توزع استمارات البلاغات على المواطنين يعبونهن حتى تكون جاهزة واذا سرق بيت يحطون التاريخ وترسل للشرطة
والافراد يسرحون
الله يصلح الاوضاع قبل مانكون مثل تونس
تلاقيها بعد سنتين او ثلاث في المزاد العلني للشرطة
والله مآتستاهل يآبو عبدالرحمن
بأذان اللي ماتنام عينه .. مآتنام آلا موترك عند بيتك
حسبيٍ الله ونعم الوكيل
بريده هذي اكيد انها انتقلت لمضيق باب المندب والقراصنه الصوماليين هناك بكثره الله يعوض عليك خير ردد ياليل مطولك
صراحة وبكل ألم وحسرة , إن لم يتدخل الرجل الأول في المنطقة الأمير فيصل فالحال من هذي وأردى!!
الوضع الان مقلق . والجميع ينتظر تدخل الأمير فيصل بن بندر .
مواطن يستنجد بالشعب لأن موقن أن الشرطة نائمة. ولن أتجاوز أكثر .
الله يستر
من امن العقوبه
يبي يرجع ويخطف احد ابنائك
ويمسك ويطلع بكفاله
الله لايحلل من سمح بهيئة التحقيق والادعاء العام هي السبب الحرامي يقول ابي امسك وبعد شهر بالكثير وطلع
وين تطبيق الاحكام الشرعيه قطع اليد للسارق
لاتقولون خايفين من حقوق الانسان
وين حقوق الانسان من اعدام صدام مثلآ
وين حقوق الانسان من محاربة الشباب السعودي بمسمى الارهاب وين ووين
السيف ولا غير السيف
التخاذل من المسئولين في الامن والقضاة
الله يكون في عونك يابو عبدالرحمن الله الله الدعاء عليه خلك مثل واحد شق منه الجوال وطلع دعاء عليه وتوحش اللي يسمعه بدأ يفتش بمخابيه خاف
لكن الله ي حقوق الانسان هم السبب يدافعون عنهم الله يشل أيديهم ويعقد اللسانهم
يا أخ أتوقع سيارتك خارج القصيم قبل فترة أنسرق جيب نفس نوعية جيبك
من أحد الشباب حصلوة باالجوف فية عصابات محترفة تجي للقصيم وتسرق
وتهرب جهة مناطقها مجرد توقع الله يرد عليك جيبك يارب ويشل يد السارق
ما مثل الدفاع عن النفس والرسول صلى الله عليه وسلم يقول من قتل دون ماله فهو شهيد ...
وأنا من اليوم ورايح بإذن الله أبعود العيال على استخدام السلاح ،ما فيها ياذابح يامذبوح ،،،
أما الاستسلام هكذا فسوف تأتي المسألة للعرض وهيهات هيهات مثل ماحدث في الرياض ،،،
كم سعر المسدس ، ومن يخبرلي ثلاثة ،،،
تونس سرقات ونهب وليس هناك أي حكومة
ونحن نسرق وننهب تحت الغطاء الحكومي
يعني كله واحد فيه ولا مافيه
(اذا اوكل الامر لغير اهله)فاءنه يحصل ما لا تحمد عقباه هنا يجب محاسبه مدير الشرطه ومدير البحث الجنائي ومدير الادله الجنائيه والاهم محاسبه امير المنطقه لأنه يستطيع الضغط على هؤلا المسؤلين ليقوموا بعملهم على الوجه المطلوب مقارنه بسيطه وممله لوسرق منزل امير منطقه القصيم هل سيباشر الواقعه افراد من الشرطه والبحث ام ضباط اترك الجواب لكم اذآ هل المواطن وماله وحياته رخيص الى هذه الدرجه من وجهه نضري ان السبب الحقيقي لهذا الفساد والضياع هو نحن العاملين والموظفين الرئسأ والمرؤسين في المجال الامني لأننا لا نقوم بعملنا على الوجه المطلوب وتتحمل الدوله الجزء الخاص باتطوير التدريب لهذه الاجهزه المهمه للوطن والمواطن
طبقوا شرع الله وشوفوا الفرق..
اما الاحكام المخففه الجديده هذي نهايتها .. يعني واحد يسرق يروح يمسح ارضية مستشفى لمدة اسبوعين..
والا واحد يسوي له مصيبه يحكم عليه يشتغل مع شركة مقاولات لفتره محدوده..
يا عالم يا هو شرع الله قبل حقوق الانسان..
دائماً وابداً لا بد ان يكون هذا شعارنا ..
والله وقتها راح يرجع الامن والاماان..
والله يعوض عليك اخي الكريم خير انشاء الله
اقسم باللة العظيم انسرقت علي سيارتين في حلال سنتين العام وقبل العام في تبوك والاسبوع الماضي انسرق منزلي مع العلم انة تم القبض على الجاني والحين نايم في بيتة وانا من محكمة ومركز شرطة ويقولون انة مااعترف وتم اطلاق سراحة بكفالة مع العلم انة علية شهود واثباتات ومااقول الا حسبي اللة ونعم الوكيل واتكمنى من الامير نايف ونائبة التدخل في مشاكل السرقات في تبوك واللة العظيم اني تحدثت مع احد رجال الامن يعمل في مركز شرطة ويقول انة تاتيهم خلال 24 ساعة مايقارب من 5 الى 10 حالات سرقة في تبوك ارجو ياعاجل ان تنزلوا تعليقي واللة يرعاكم والى الامام
مالك هم والله لو أحصله إني لأصدمه
لاحول ولاقوة الا بالله العظيم , ماهب اول مرة ولا مليون مرة هذا السرقات تتكرر كل دقيقة بالمملكة ولاحولك امن ولا نسمع اي عقوبات ولا قطع راس او يد . لكن صدق من قال حاميها حرميها
أعتقد لن تفيق الدولة من سباتها حتى يحصل انقلاب كبائع الخضار في تونس
أنا شخصيا سرقت مرتين
مرة في الرياض
ومرة في القصيم
يا نايف بن عبدالعزيز .. اقطع يد السارق بيدك يتأدب البقية
ملينا من السرق والنهب واللعب ، ولو أقول إن إرهابي تبول في حمامات مسجدنا لطوق الحي لقتله
والسارق يهدد الضرورة الخامسة من الضروريات الخمس وما شفنا شيء
أحد الأصحاب سمع سارق في الملحق فأقفل الباب عليه ليبلغ عنه
فقال السارق طلعني وتراه يوم وأطلع بكفالة وأقطع رأسك
هيئة التحقيق تحتاج لتحقيق
اخى ردد اللهم رب الضاله رد ضالتى الى الله يكون بعونك اخوى احب الفت انتباهك اللى شى اذا انت متابع نحن اسره من الله علينا با الرزق الوافر بس انه عند شايب الله يغفر له وكل بين فتره وفتره ينسرق منه مبالغ ما ليه كبيره بعدينصارو اولاده واوالاد عياله يتفقون ويسرقون يعنى المغزى من القصه انتبه اتوقع انه منكم وبكم او من الحاره وانت ما تدري حسبي الله ونعم الوكيل الله يبرد الى بقلبك ويرده لك امين
قول النبي صلى الله عليه وعلى آله وسلم: ( لو أن فاطمة بنت محمد سرقت لقطعت
يدها )
أين هذا القول الذي هو في غاية العدل من قوم يؤمرون بتنفيذ ...
قصدك ه ي ط 1616
الله يعوض عليك ابوعبدالرحمن ويرجع ما سرق لك،،،الدولة وفقها الله قضت على الا رهاب ونحن معها قلبا وقالبا قمتي يقضى على المجرمين الذين أرهبوا الناس في بيوتهم وسرقوهم في وضح النهار اذا لم تتدرك الدولة حفظها الله ذلك فسيحل بنا ما حل بغيرنا ???
الله يعوض عليه ويرد حلاله عليه
ياخي الشق اكبر من الرقعه
ياخي شف الي بشرطه وحلب لبن
وحد من الشباب انسرق سيارته وهو الي بحث عنها وحصلها مع وحد يسرق عليها
يعني لو مابحث عنها كان الان مع الحرامي
وين السيف يا ابومتعب
وين السيف ياابومتعب لاتخاف الامن رب العالمين طبق الشرع وحن راضين
من طلع الادعا العام والشرع منفلت مااحد يطبقه
السرقات عندنا ببريدة شي عجيب
شخص قريب لي سرق مستودع له شهرين مستأجره تقريباً ويقول انه قبل السرقة دائماً
مايجد سيارة الدورية في الحي وقريباً من المستودع علماً أن الحي جديد والبيوت فيه قليله جداُ
يقول وبعد السرقة لي اسبوعين لم اشاهدة سيارة الدورية !!
و يقول معقباً ( لو الله يفكنا من الدوريات والشرطة كان حنا بخير )
صبحكم الله بالخير
صار شوي وانا قاعد اقرأ الردود المكتوبه وماعليش لاتزعلون مني مالقيت التجاوب اللي المفروض انه ينحط لأنه كله حشو كلام ؟؟؟؟ طيب ثم ماذا 000
وش راح يستفيد الرجل من كتابتكم اللي مضيعين وقتكم على الفاضي
المفترض انه يصير تجاوب اكثر من كذا ؟؟ يعني بأختصار 00 حثو يعض على البحث عن السياره 00 يمكن يجي واحد ويقول دوريات حنا او مباحث ؟؟ لا يأخي دور حثو بعض على التدوير في الاماكن اللي تتوقعون انكم تلقونها
عممو على رقم السياره 00 موديل السياره 000 حسسو صاحب المشكله ان فيه تفاعل مع الحدث
اما بريده صارت وصارت 00 والتعليقات اللي لاتغني ولا تسمن من جوع اتمنى من الجميع البعد عنها 00000
وجبر الله مصيبة صاحبنا وعوضه الله خير بأذن الله
والله ولي التوفيق
خخخخخخخخ زعلان يعني انت ان ذهب وسياره انسرقت لاحول ولا قوه الا بالله مليارات راحت بعدين لاتلوم الي يسرق انت تدري ليه يسرق طيب وش يسوي دام انه ماعنده وظيفه ولا بيت ولالالالالالالالالالالالالالالالالالالالالالالالالالالالالا وش تبيه يعتكف بالمسجد ع لشانك الله يهديكم ادعو له بالهدايه وانت ياخي سامحه ايش المشكله مثل ما الشعب مهظوم حقه ولا انت غير بعدين ردد يالليل ماطولك ( )
يجب ان تصبر وتحتسب لكي لا تحرم من الاجر وتذكر ان المؤمن مبتلى
واسال اللة العزيز ان يفك عنك كربتك وان تجد ضالتك ...
يقول المثل ( المال السائب يعلم السرقه )
مسروق الرموت وهالثور موقف سيارته براء يقول تعال خذها
يستاهل \\
عاد جيب مع داشر دوره وتلقاه مغير اللوحات ويطعس عليه
لا حول ولا قوة الا بالله
الله يكون بعونه
البلد فيها فلاتان وكثرة السرقات ومافيه رادع.
العام في رمضان واحد من العيال أنسرق جيبه موديل 2010 لكزس من الرياض. وحصله بالقريات. مغيره لوحاته وبمكانها لوحات كويتية. مسحوا الحرميه رقم الشاص. ومجهزينه لتهريب خارج الحدود. لكن ولله الحمد مسكوا الحراميه.
والغريب أن السارق الأساسي باعه على حرامي ثاني 30000 ريال والثاني باعة على مجموعة (عصابه لصوص) 50000 ريال.
س / كيف مشى فيه من الرياض مروراً بحفر الباطن إلى القريات؟ مافيه نقاط تفتيش؟
حفر الباطن ما يحتاج حدث ولا حرج عن السرقات التي تهرب إليها ومنها.
والمشكله مانسمع قطع يد لسارق ولاتشهير فيهم بالصحف.
أخي صاحب المصيبه اجارك الله منها .
هل انت تتصدق ؟هل انت تدفع الزكاه ؟؟ ان كانت الاجابه نعم
لاتخاف وطمئن قلبك ان الله معك . وماتدري وش الخيره فيه
كثر من الاستغفار ويرزقك الله
اعتبرها زكاة اجبارية لأموالك المتراكمة والمتضخمة 00
انفقوا مما رزقكم الله يقيكم كل شر وكل بلاء 00
المحتاجين اكثر من شعر الراس 00
تسوق كل شهر بالف ريال رز وسكر ووزع بالاحياء الفقيرة 00
اعرف انكم لاتساعدون (( البدو )) وهم اغلب فقراء بريدة لذلك اذهب الى حارة الهلال والعجيبة وساعد جماعتك هناك 00
وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ