والده يؤكد تعرضه لصدمة نفسية رهيبة : «تربية الرس» تحقّق في اتهام معلم بضرب طالب في الإبتدائي

تحقق إدارة التربية والتعليم في محافظة الرس في شكوى مواطن، يتهم فيها معلماً بضرب ابنه عبدالله، ما سبب له صدمة نفسية منذ الأسبوع الأول من العام الدراسي، رفض على إثرها الذهاب إلى المدرسة.
وطالب ماطر الحربي بالإسراع في إنهاء إجراءات التحقيق في الشكوى، التي رفعها للإدارة ضد معلم مادة الرياضيات.
وقال : «يعاني ابني من صدمة نفسية رهيبة، رفض على إثرها الذهاب للمدرسة منذ ذلك اليوم وحتى الآن، ولم تفلح محاولاتي في نقله إلى مدرسة أخرى لأنه يرفض ذلك، إذ لا يعرف أحداً هناك، ويخشى فقدان زملائه الذين اعتاد عليهم خلال الأعوام الماضية».
ولفت إلى أنه يتردد منذ أكثر من أسبوعين على إدارة التربية والتعليم لإنهاء القضية، مشيراً إلى أن المدرس كان سأل ابنه سؤالاً، وعندما لم يجب عليه بادر بضربه، «ولحسن الحظ أنني كنت ذلك اليوم موجوداً لدى مدير المدرسة، وفوجئت عند خروجي بابني يبكي، لأن المعلم ضربه على صدره».
وذكر أن المعلم أنكر ضرب عبدالله، ما جعله ينقله إلى المستشفى، الذي أصدر تقريراً طبياً عن إصابته، ثم توجه إلى إدارة التربية واشتكى المعلم، وتابع: «أفادتني إدارة تعليم الرس بأن الشكوى أحيلت إلى لجنة قضايا المعلمين، وإلى الآن لم تنته»، مؤكداً أن محاولات جرت لحل القضية ودياً، «إلا أنني أصررت على التحقيق مع المعلم ومحاسبته عما تعرض له ابني من أذى».
من جهته، أوضح مدير التربية والتعليم للبنين في محافظة الرس خليفة المسعود ل صحيفة «الحياة»، أن شكوى الحربي محل اهتمام منه، مشيراً إلى أنه التقى ولي أمر الطالب، وناقش الموضوع معه، وأحيلت القضية إلى الجهة المختصة في الإدارة، ولا تزال منظورة من جهات تحقيق متخصصة في قضايا المعلمين.
ورفض تحديد موعد انتهاء التحقيقات في الشكوى «لا أستطيع استباق نتائج التحقيق، لكن كل شيء سيوضح لولي أمر الطالب في حينه، وسيُعطى كل ذي حق حقه».
من وين الى وين يلاقونها المعلمين من وزارتهم الداجة والا من اولياء الامور الهمج ربوا بزارينكم الي الواحد توه مافقس من البيضة ومسوي رجال وفحل
ولي الامر دلوع
وولده ...طالع له
صدمه....يا حرااام
وكل شئ سببه المعلم المظلوم
اثبت يا دلوع على المعلم
وبعدها يتجازى
عالم غرييييب
والله هذا الدلع صح صاارو الطلاب مثل البنات
وين ايام اول وربي يكسر العصى عليك المدرس ولا تفتح فمك عند ابووك
لان لو درا انه ضربك بالمدرسة زاد عليك بالبيت
والحمد الله طلع رجال تعتمد على انفسها
اتمنى من كل قلبي اعاادة الضرب للمدرسة مثل اول
عشان ما نشوف تمادي الطلاب الزائد
الان كل شي مع الطاالب ولكن للاسف فااشلين الطلاب
في المااضي كل شي مع المعلم والطااالب لما يخرج من الابتدائي
افضل من طلاب الثانوية الان في القراءة والكتااابة
الله يعين معلمي ومعلمات الرياضيات
ولازم الاهل يتعاونون مع المدرسه
ومافيها شي اذا المعلم قسى على التلميذ بالاخير يبي مصلحته
الله يهدي الاباء ويعين المعلمين
الله يهديك تضرب واحد اصغر منك وهذا وانت مدرس لو انه ولدك ماضربته
ياخي في بعض المدرسين زوجته تكرفه ليل ونهار ويحط حرت الكرف في الطلاب
والله لو انه ولدي صدقني ماتنازل عن الضرب واذا ماخذو حقي انا اخذ حق ولدي
ابو ريان
قولوا امييييييييين يا الله اذا كان المدرس مظلوم وان ولي امر الطالب ظالمه ان الولد يحسر ويشغل ابوه في دنياه علشانه اتهم المدرس
ظلم وبهتان امين
حسبي الله عليكم ياهل الرس كل هذي عنصريه حتى الاطفال ماسلموا من عنصريتكم المقيته .........
كان الله في عونك يا ابوعبدالله
طبعا القضية لن تنتهي مثلها مثل القضايا السابقة التي رفعت ضد تعسف المعلمين واالوحشية التي يمارسونها ضد ابنائنا الطلبة
على الوزارة ان تعيد انظر في العقوبات ضد المعلمين قبل ان تحدث امور لايحمد عقباها
اتق الله يا ولي الامر واعلم علم اليقين ان الله يمهل ولا يهمل وما هي الاسباب وراء ذلك
وهل سألت المدرس ما الاسباب اولا
وثانيا هل هناك ما يستدعي كل هذا!
ايضاحا للحقائق ولكثير مما يخفىعلى الناس احب ان اواكد ان هناك كثير من الافتراءات والتظلم الجائر من بعض اولياء الامور وتضخيم وتكبير الاشياء
وبعضهم له علاقات تخدمه باستخراج التقارير الجائرة اللتي كتبها انا لايخفون الله
وليس لهم امانه في عملهم من واقع ملموس ومشاهد في بعض التقارير الغير صحيحة
فاذا كان ابنك قي تمام الصحة والعافية وكان تظلمك جائرا وان علاقتك خدمتك بالتقرير فتذكر ان الله عليك قادر ولا تغرك دنياك باخرتك
فلقد وجدت التظلم الجائر وسمعته باذني من اناس لا يخفون الله ولا يقولون كلمة الحق
فالله بهم عليم وعليهم قادر فاذكرك بالله
سبحان الله العظيم ما ان يتعرض طالب لادنى سبب يضايقه من المعلم حتى تقوم الدنيا ولاتقعد اما المعلم يتعرض للضرب والشتيمه وتحرق سيارته عادي اهم شي الطالب وعموما الجميع في صف الطالب مهما كانت الاسباب حتي الوزارة وادارات التعليم فاللوم دائما على المعلم طبعا هذا كله بمسانده الاعلام
يااااااي صدمة نفسية اخس انت وابنك لو انا من المدرس كان سطرتك مع ولدك
تربية خكارين وش قال قال صدمة نفسية
هذا مدرس ولا عدوا كيف يضرب طالب بالمرحله الابتدائيه وين المعامله والرفق بالصغير
واضح جدا
تصفية حسابات
اتفق مع ولده لا تداوم
تلقى ولده كسلان بالرياضيات
او معيد عند نفس المعلم يبي ينتقم منه
راجع نفسك ياولي الامر والتحقيقات تظهر كل شي
جميع المعلمين جبناااااااااااء اقسم بالله العظيم اتحدى معلم يعترف انه ضرب طالبا وهو بالفعل قد ضربه
سبحااان الله بعضهم يقفل الباب لكي يتاكد ان لايراه احد وعندما يشتكي ولي الامر ينكر المعلم جيل من المعلمين لا يبالي وهو غير مثقف وهمجي
والله حرااام يعطوهم المستوى الخامس حرام
(ويخشى فقدان زملائه الذين اعتاد عليهم خلال الأعوام الماضية))))))
شكل الولد خبره
طيب ترا كلنا بالابتدائي اذا اخطينا نضرب وش المشكله
بس فيه بعض الناس يحسب المدرس عدو اذا هاوش ولده ليش مادري
والله يافيه قبايل مشهوره بالشكاوي الله يكفينا شرهم
يله خذ !!!!!!!!!!!!!!!!!!!
دلع آخر زمن!!!!!!!!!!!!!!!!!!!!!!!!!!
عيال مدلعين !
من وجهت نظري أن المدرس يعاقب
صح أن المسامح كريم بس عشان تكون درس له؟!؟
من انتهاء الضرب في مدارسنا وطلابنا عليهم السلام
بس تبون الحقيقه ماعندنا مدرسين الا ماقل
المدرسين عندنا يبون واحد يعلمهم اسلوب التدريس خصوصا بعض معلمي الصفوف الدنيا
ياليت قومي يعلمون!!!!!!!!!!!!!!!!!!!!!!!!!!!!!
الله يوفق مدرسين زمان
والله ياا اخ مااطر ممكن تخبرني شنو جاااء فى التقرير الطبي وهل فعلاا يوجد علاامااات ضرب مبرح
اللي في ولدك انك مدلعه بزيااادة وعارف انك موجود واستغل النقطه بعدم الذهااب للمدرسة
والمعروف لدى الطلااااب كلهم انهم ماايبوون يرحوون للمدرسة بس ورااااااهم اهاالي يعرفوون يربوون عياالهم على الجد
ام انته الله يخلف عليك ياا ماطر
وتحيااتي للاستااذ
للأسف .. الاخ ولي الامر لايستحق بأن يكون أب .. فمابالك بأن يكون مربي ..
سؤالي الى الاخ ماطر :
هل تعلمت ؟
والى اي مرحلة وصل تعليمك ؟
وهل عوقبت في تعليمك ؟
لا اعتقد بأن الاجابه ستكون ( لا )
ولكن ياعزيزي :
اما تعلم بأن الضرب قد امر به رسول الله صلى الله عليه وسلم ..
اما تعلم بأن المعلم الاول هو محمد صلى الله عليه وسلم ونحن نسير على نهجه فأين احترام المعلم واين زرع مكانته في قلب ابنك ..
اما تعلم بأن معلم الخير يستغفر الله كل شي حتى الحيتان في البحر ..
الا تخشى دعوة صادقه في ظهر الغيب من هذا المعلم ؟
وهل في اعتقادك بأن هذا المعلم قام بضرب ابنك بسبب خلاف بينك وبينه او بينه وبين ابنك ..
اجزم بانه يستحال ان يكون ذلك .. ولكن جهل ولي أمر الطالب دليل على جهل ابنه ..
قم للمعلم وفيه التبجيلا *** كاد المعلم أن يكون رسولا
للأسف جميعنا نفتقد الى زرع حب المعلم في نفوس ابنائنا .. ولهذا اصبحنا نرى المعلم في المدرسه كالعامل في البيت .. لايُحترم .. ولايقدر .. ولايعطى حقه ونصيبه من الرساله ..
والسبب هم اولياء الامور وليس الطلاب ..
ولاحول والاقوة الا بالله
الله يرحم الفلسطينيين طلعونا رجال ما فيه غير فلكة
يجي الواحد ويدخل للفصل معه هوز (لي) تقطيع ولا احد اشتكى ولا احد تعقد نفسياً.
هذا دلع زايد عن حده.
ليه يوم شفته يبكي وعرفت انه ما حل الواجب والا ماهو منتبه مع المدرس ما عطيته طراق ثاني
والله لو عملتها انه غير يمشي على عدل.
كلنا ما نبي عيالنا ينضربون وتقطع قلوبنا عليهم لكن عند الادب والتعليم غير
(للاسف هالوقت يجي الاب يدربي راسه للمدرسة ويوم تساله عن بعض الامور يقول والله مدري
انا قالت لي ام العيال كذا وكذا
يسمع كلام المراه ويجي طاير
وعلى النقيض تماماً بعض اوليا الامور يقول خوذوه لحم واعطونا عظام
سلملي على المدرس والله عيال اخر زمن قال ايه حاله نفسيه والله ما شفنا الحالا النفسيه والتخلف التحصيلي الا عندما فقدت العصى في المدارس ما أقول الى الله يعين المدرسين والله ياحلتهم تصعب على الكافر
ياااااااااااااااااااااااااااااااااااااااااااااارباااااااااااااااااااااااااااااااااااااااااااااااه
طالب يتعرض لصدمه نفسيه بسبب مدرس الرياضيات
ووزارة التربيه والتعليم لاحياة لمن تنادي!!!!!!!!!!!!!!!!!
هل تلومون الطالب الذي اعتدى على معلمه في مدينة الطايف بضربه بعد سنين عجاف
عاشها الطالب وهو يشيل في صدره غيظه على هذا المعلم
وحرمانه من مواصلة تعليمه
ام نؤديه؟؟؟؟؟؟؟؟؟
لماذا لاتتحمل وزارة التربيه والتعليم مسؤليه عنف المعلمين مع الطلاب بمحاسبة
هؤلاء المعلمين ووضع شرط جزائي لهم
حتى لاتتكرر مثل هاذي الحالات
لوانضرب ولدي سحبت المدرس على وجهه وا لمدير معه
ياخي تعبنا من اولياء الاموووور
ياجماعة الخير وربي اشووف بعض الرجال صارو مثل الحريم
الرجل لايهش ولاينش وتلاقي المراه هي اللي تقول لزوجها اشتكي المعلم سوي بالمعلم
اطرد المعلم ويجيك الرجل مدحدر يهاوش ويبلبل
اقسم بالله لو ولدي يجيني مكفخ من المعلم اقوول تعال ياحبيبي وازيد عليه كمان
وين اولياء الامور من قبل يجيك الواحد مسرح ولده مع الصبح ويقول للمعلم تكفى اسلخ جلده هذاك اول يوم الناس تدور المصلحة لعيالها لكن هالحين
يااااي ولدي لاتلمسه ولاتقول له شي
من هذه الص فحة اقول لكل معلم كنت تحت يده طالب شكرا يامعلمي لك الفضل بعد الله سبحانه في مستوى الدراسي والتعليمي والمادي واي مدرس طقني على غلط او غير غلط تراني مسامحكم ومحللكم ومبيحكم ولو تبغون تطقوني هالحين ماعندي مانع
لان المعلم مهما كانت شخصيته قوية فهو يبحث عن مصلحتك
وانت ياولد الطفل صدقني راح تندم لانك الان تربي طفلك على عدم احترام معلميه
المفروض تعاتب المدرس وتكون شخص متفهم وتحل الموضوع بينك وبين المعلم والطالب
ولكن انت فالح في الشكاوي لانه الغرض من الشكوى تريد عقاب للمعلم حتى يقولن لك والله سوا وفعل
يااخوان لو المعلم ضرب ابنك تعال قدام ابنك وقووول انت مخطئ حتى لوكان مظلوم
وبعدين تعال عند المعلم وفهمه الصح والغلط يابو صدمة نفسية رهيبة
يا الحربي تعرف ليش ضرب ابنك لانه عارف ان مافيه احد راح يحاسبه ولاكن فيه المنتقم الجبار اللي ياخذ حق الطفل
مخطئين اللي راحوا يتوسطون عند أبو عبد الله المفروض يكلمون أم عبد الله وينتهي وضعه على طول ليش تطول السالفة وهي قصيرة قال حاله نفسيه قال والله ماضاع عيالنا لين دخلت علينا هالمصطلحات النفسية وتوابعها ابسألك يا بو عبد الله بالله عليك كم عصا أكلت يوم انك تدرس وكم كف أكلت وكم صربه أكلت على رأسك وكم رفسة بالرجل أكلت وكم وكم ماضرك الحمد لله ولا ضرنا والله انه في البرد وبعز الشتاء تجلد الطلاب ماجاهم إلا العافية وتعلموا وتخرجوا واستلموا مناصب في الدولة والحمد لله ونصيحتي خلك أنت وغيرك من ها السوالف خل الولد يتربى ويتعلم ولا تغث المدراء والمدرسين كل يوم وأنت عندهم الله يرحمك ياشايبي لا شكيت له من المدرسين قال لي أوريك فيهم وإذا راح للمدرسة قال لهم لكم اللحم ولنا العظام عاد من سمننا جلد على عظم وخذ يا ضرب ويوم تخرجنا قلنا الله يجزيك خير يالمدرس اللي ضربنا أثريه ماهو عدو أثريه حرصا علينا يبينا نتعلم وأقول قم يابو عبد الله وحب على راس معلمه وقل له جزاك الله خير على حرصك على تعليم وتربية ولدنا ووجه له خطاب شكر بدلا من الشكوى بارك الله فيك ولا تزعل على مقدمة الكلام ترها مزحه والربع ماهم واصلين أم عبد الله فيك البركة وسامحنا أنت والإخوان على أسلوب الكتابة حبيت يكون البساط احمدي 0
انا ضد ضرب الطلاب في المدارس خصوصا الاطفال منهم ومن هم في المرحله الابتدائيه ولاكن اتمنى انكم تطرحون رئي الامعلم ايضاُ لان هذا الاب من اسلوبه يتضح انه متحامل (دعونجي) اي يجيد اقامه الدعوى وتكبيرها وتفخيمها , وانضرا الى كلامه لتكتشف ذلك (وقال : «يعاني ابني من صدمة نفسية رهيبة، رفض على إثرها الذهاب للمدرسة منذ ذلك اليوم وحتى الآن، ولم تفلح محاولاتي في نقله إلى مدرسة أخرى لأنه يرفض ذلك، إذ لا يعرف أحداً هناك، ويخشى فقدان زملائه الذين اعتاد عليهم خلال الأعوام الماضية».
سلملي على الصدمه النفسيه سلامته ما يشوف شر بس انصح الاب يتاكد لا يكون الابن ايضاُ يعاني من صدمه عاطفيه هههههههههه وانصحه ايضا ان يحط لابنه واقي لصدمات حتى يستطيع مستقبلا تحمل الصدمات
التربيه والتعليم
التربيه قبل التعليم
بعض المعلمين يجيك المدرسه سهران وطفشان ومو محضر درسه وقام يهايط على الطلاب
وبيني وبينكم الرقابه على المدرسين فيها نظر والله ما ابي للمعلم ذا الشر
بس اذا فعلا ضرب الطالب فهو معلم لك عليه شوي باقي يعيش في عام 1400 ه
يعني زمن الضرب ولى اذا عندك طريقه تربي فيها الاجيال والافيه غيرك عندهم نفس تخصصك وقاعدين في بيوتهم
مسكييييييييين الولد يبي يفصل بسبب مربي اجيال ضيق الافق ويحسب الضرب بغير تفكيره وخليه يجاوب على اسئلته او بيجيب نتيجه
بالتوفيق للجميع
مربي اجيال
قضى علىمستقبله الله لايوفقه حسبي الله عليه زرع فى نفسه الخوف
والله مسكين المدرس لم يعد له هيبه
واولياء امور جهله حتى ولو تعلموا الله يرحم ايام زمان اول ما تدخل مع بابالمدرسه حاطين برواز ومتحف بانواع الخيزران يدرسونك علوم من اول لحظه
كان والدي الله يغفر له ويرحمه في اول يوم من الدراسه يتوجه بنا الى المدرسه ويتحدث مع المردس ويقول له سلمتك اياه لحم وعضم لك الحم ولي العظم انتهى ويقفي
كانت هاتن الكلمتان المرعبتان كفيلتان بإخراج رجال في جميع المستويات العلمية والعمليه (ولله الحمد من اكبر واحد الى اصغر واحد اللي ما تعلم طلع بالجامعة,,,)
اما الان لو يقول المدرس للطالب ليش راح وقال لابوه الم..... بدون ما يكمل قدم شكوى
وحط على المدرس جام غضبه نهيب بالوزارة ان تعيد وتعلن عن استمرارية هذه العقوبة حتى ولو ضمنيا لكي لا يأتي اي ولي امر جاهل ما يعرف كوعه من كرسوعه ويقول ليش تطقون ولدي وهو موقف المرسة على رجل
للعلم تراي مانيب مدرس
اااااه يا زمن
المعلم يحسب نفسه أيام الجاهلية والا ويش
قرار بمنع ضرب الطلاب لم ينفذه المعلم يعني استهتار بالقرارات والأنظمة
هؤلا هم المعلمين اللي اشغلونا بتحسين المستويات والله ما يستاهلون الا من يسفهم ويا كثر الطلاب المساكين اللي ينضربون وما احد درا عنهم ويصورون عيال الناس ويضكون عليهم ويستغلونهم في كل شي قسم بالله يالمدرس انه ما يخلى على كيفه ....... والله العظيم كانو يضرونا يوم كنا صغار بعصا وكفوف لكن الحين انا اللي بربيهم والله لا اخليه يخلط السبيلين والايام جايه
بعض المدرسين منزوع من قلبه الرحمه جيده على البزرين المفروض يعاقب علشان يكون عبره لغيره
بعض المعلمين هداهم الله بنفرون الطلاب من المدرسه مع أن الأصل هو جعل الطالب يحب المدرسه اكثر من البيت ..
لابد ان يعاقب المعلم لكي يتأدب الآخرون ويحسبون حساب قبل فعل أي خطأ .
جالس عند المدير ؟؟؟؟؟؟؟؟؟؟
مبين انه راعي مشاكل
السؤال : هل هو ضرب مبرح ؟؟؟
السيف الأملح للمعلم
اقووول بس الله يهديكم اولياء امووور الطلاب والطالباات بعضهم ماخذين المعلم او المعلمه خاادم وليس معلم لاتقل لابني اف لاتااثر نفسيته لاتضرب لا لا لا اذاا كيف اتعاامل مع الطلاب لابد من العقاااب لابد ان يقوول للمحسن احسنت والمسئ اساااات
وفي المقابل لابد ان يحصل على اافضل النتايج واذا خسر درجه حضرت الام او الاب لمااذا ؟؟
بجد اصبح المعلم لاهيبه لاحقوووق لاراي فقط ضع النتيجه الايجابيه وااسكت ..
التعليم ليس رصد درجات ونيل اعلاها التعليم تااديب وتهذيب قبل العلم لكن وللاسف نرى عكس ذلك من جميع الجهاات ..
نصيحه لمن لم يماارس التدريس ان يبتعد عنه لانه فقط ابسط حقوووقه ومطالباااته ..
اتعب نفسية ولدك يااااااااااااااااي
الله يرحم زمن المرجلة
والله لو انك مربي ولدك تربية رجال كان داوم زي بقية الطلاب
والمفروض المعلم اللي ضرب ولدك انك رحتلة وحبيت على راسة
لانه ماضرب ولدك الا لمصلحة تعليمة
كان المعلمين زمان سفاحين وكنا نداوم بدون مشاكل وانتجوا جيل متعلم ومتربي
لكن شكل المرة مدلعة الولد وراكبه فوق راسك
بصراحه المعلمين ماخذين راحتهم بالطلاب يضربون ويهزؤن وكل شي
المفروض اللي يسوي كذا بالطالب يعاقب المعلم ويخصم من راتبه
حتى لايتمادى بالخطأ مره ثانيه
والشكوى لله يااولياء الأمور ،،،
يا اوليا الامور انا لست مدرس وما عندي اي شخص من اقاربي مدرس بس المدرس له حق مثل حق الوالد والاخ شي ما يسير ، لو قلت للمدرسه كلمة كان ممكن سمع لك وما دام انكر انه فعل ذلك فقل للمدرس يعطي الطالب هدية عشان يرجع للمدرسة ويخلي الطلاب يصفقون له ويلعب وينسى ياخي ويش شايفين حالكم يعني على ايش ولدكم نضرب عشان يتربى التربية والتعليم خله يتربا ممكن كان رده فيه برود او ميوعه والضرب يعلم الرجولة وممكن الطالب يكون مدلل نوع ما دلوع ماما وبابا المدرس لا تطيح هيبته
يعني تبي المدرس يدلع ولدك ياماطر؟
بعدين وش عرفك ان المدرس ضربه على صدره؟ وليه فسرت ضرب المعلم له بسبب عدم الاجابه؟ طيب يمكن في سبب أخر
ياماطر حدث العاقل بمايعقل
غير كذا الوزارة اسمها وزارة التربية والتعليم
التربية تسبق التعليم والدلع والدلال مو عندنا ياماطر
اذا تبي تدلع ولدك روح دخله مدرسه اهلية
اتمنى من وزير التعليم استرجاع الضرب بالعصى ليكون هناك جيل خالي من النعومه وتخريج رجال كما في السابق تخرجت رجال
ماطر يريد على ما اعتقد تخرج اجيال طيحني وبابا سامحني والكدش ضيعني
الله لايوفقه ..تلقاء المدرس عنده وساطه ويطلع منها مثل سلام عليكم( ) 739585
الإندفاع من ولي الأمر بهذه الطريقة ومهاجمته للمعلم هي التي سوف تفسد الولد وتجعله مدلل
تربية الأولاد بهذه الطريقة مفسدة للولد... فلنكن عقلا
كثر من أمثال هذا الولي
لقد ضربو أبنائنا وتخرجو ولم يشكو لنا
فلا تكن أذنك صاغية لأتف الأسباب
هذولا أنتم يالمواطنيين عيالكم يجون مثل الصنم وقلة أدب وعادي عندكم لكن لوالمعلم
طبق شوي من حقوقه بالهوش أواللمس الخفيف جيتم تركضون توكم تذكرون أن لكم عيال الله المستعان بس؟؟؟!!!!!!!!دنيا غريبة
لاتوديه المدرسة هذا اكبر غلط
المفترض انك تخلي الشغالة في البيت تدرسه وتعطيه شهادة في كوي الثياب وتنظيف البيت بعدين المعلم ماذبحه عشان تسوي هيلمه الله اكبر عليك يالحسود يالحقود
قطع الرقاب ولا قطع الارزاق لا بارك الله فيك
الله يعينكم يالمعلمين صراحة مافي احد مامسح بكرامتكم الأرض منالمراهقين الكبار لين البزران الصغار
السلام عليكم ورحمة الله وبركاته
بالنسبة للضرب ارى انه هو الوسيلة لتربية الابناء بما فيهم الطالب
حيث اننا لم نرى الفشل بمجتمعناالا بعد القرار الذي من خلاله منع الضرب بالمدارس انا ابغ من العمر 48 عاما وحتى هذا اليوم لا اكن الاحترام والتقدر سوى للمعلمين الذين كانوا يحملون العصى داخل الصف ويستخدمونه لانهم حقا هم الذين يريدون المصلحة لنا وفعلا تحقق ما كانوا يرجونه لنا 0فشكرا لكل معلم قام بتعليمي مستخدما العصا
ومن الاسباب المؤدية للفشل مايلي:
1: منع الضرب بالمدارس مما اضعف هيبة المعلم
2:المحبة المفرطة لدى الاباء لابنائهم وتحسيسهم بذلك
3:جري الكثير من الاباءخلف ابنائم بكل الامور بما يسمى بالفسعة
حإْلة نفسية هههههه
لا اتوقع ان معلم يضرب طالب لانه لم يجيب على السوال وان كان ضربه عشان الطالب لم يجيب فهذا والله ظلم
كان الله في عونك
يا معلم الرياضيات
من الضغوط التي تقع عليك 24 حصه
ومناهج جديده
وبالتوفيق للجميع
هذه واسطات بالتعليم والمعلم لماذا لايعاقب بسرعه الطفل حالته النفسيه سيئه وتسبب المعلم الفاشل بحاله نفسيه لطالب ليس له ذنب هل يعقل من ادارات التعليم هذا اطفال يضربون كل يوم والاخر لابد من ولي الآمر تصعيد الموضوع لجهه اكبر واخذ حق ابنه امامه
طرد يا مدير التعليم مسّكه الباب يضرب الطفل على صدره ضربه المسرع
حسبي الله على كذا اولياء امور روح سوى لولدك مدرسه له بروحه وجيب له مدرس الكترونى وبرمجه حتى نفسية ابنك المصونه العبقريه ماتتعرض لصدمه عزالله فلح ها الجيل من امثال ها الاب
وش رايك يفصلون المعلم عشان سعادة الباشا الطالب ما تجيه صدمه نفسيه
ياااا لبي عليها الزغنونه
ياخي استحي على وجهك يا ولي امر الطالب وبلاش دلع
عمر بن الخطاب يقول اخشوشنوا فأن النعم زواله
وياما تكفخنا في المدارس لين قلنا بس
وميوعة هالجيل من دلع اهاليهم
ياخي انا انضربت وانا صغير لحد ما طرشت ويا دوب خلصت كفائه وعسكري على طول والحمدلله والشكر
ياخي عيب والله عيب تعتزي لورع حتى لو كان ولدك
وقال : «يعاني ابني من صدمة نفسية رهيبة، رفض على إثرها الذهاب للمدرسة منذ ذلك اليوم وحتى الآن، ولم تفلح محاولاتي في نقله إلى مدرسة أخرى لأنه يرفض ذلك، إذ لا يعرف أحداً هناك، ويخشى فقدان زملائه الذين اعتاد عليهم خلال الأعوام الماضية».
يا شيخ كلام فاضي ولدك هذا شكل اللي فيه دلع زايد بس ويحتاج تلمسه العصا شوي وشف النتيجه قال يتعقد قال.........
الخقيقه انا صرنا مثل الغراب اللي يبي يقلد مشية الحمامة وضيع مشيته
فهمنا التاثير النفسي غلط
نبغى الولد يتأدب ويكون شخص مسؤول وهو لم يتلقى اي درس اخلاقي ولا ديني ولا اجتماعي ناس تحسب ان التربيه هي ان تشبعه وتتركه يرعى مثل البهيمه ياكل ويتابع من المسلسلات ما اراد و لا تقول له شي حتى لا يتعقد ويصير فيه عقده نفسيه .....شر البليه ما يضحك
صحيح ان الضرب اخر علاج لكنه ضروري جدا في بعض الحالات وانا لا اؤيده لكل من هب ودب ولا لكل خطأ لكن المفروض يكون هناك شخص في المدرسه مسؤول عن العقاب بشكل عام يعمل لكل طالب برنامج معين حسب حالته بما فيه الضرب اذا استدعت الحاجه اليه
اما نترك الحبل على الغارب ونقول يتعقد وما يتعقد كلام فاضي وراح نشوف نتيجته اذا كبر واول من ينضر الاب والاهل عموما
ولعل لنا في الجيل الجديد عبرة
كان المفروض أنه يبوس ولدك الفاشل مع خده علشانه ماجاوب .. أنصحك توديه عند الغنم يتعلم هناك لأن الغنم ماراح تضربه لو ماتعلم مثلك ..
المفروض يفصل ابنك من المدرسة لأنه بيطلع خكري مستقبلا
ياخي المعلمين ضربونا سابقا لين قلنا بس وماضرنا ولله الحمد
المشكلة في التعليم على أولياء الأمور اللي مايبي المعلم يضرب ولده
وولده تلقاه قليل أدب و ضعيف ..
الله يكون بعونكم يالمعلمين
تلقونها من وين والا من وين
ضربة فسبب له صدمة نفسية
كلكم كذابين لكنكم متحاملين علي المعلمين
قضية مبهمه ؟ فكيف ضربه على صدره بعصى ام بماذا..
والمدرس مخطيء حقا والا يفترض ان يكتب في دفتر الواجبات ويخلي مسؤوليته
لكن يبدوا ان المعلم مجتهد والمجتهد دائماً هذا جزاءه مع كامل الاسى
الله يرحم التعليم ايام زمان كان تربية ماهو الان دلع وقلة حيا والوزارة لاتضرب
ولا تقول ولو جاء واحد من المسؤلين ماقدر يدير صف ساعة واحدة
-----الواضح من الردود اللي هنا اغلب الموجودين الضاهر انهم انضربو وهم صغار الين ماعرفو ان الله حق ؟يعني تبغو اللي صارمعكم يصير مع جيل اليوم دائما الحب والاخترام يولد الثقه مو العصا ---- ياعصي