معلم يصفع طالبًا ويقول لأبيه “رح اشتك للوزير”

صفع معلم في إحدى مدارس الطائف طالبا في الصف الثالث الابتدائي عندما سأله " هل انت معلم الرياضيات الجديد " واشتكى ولي أمر الطالب ياسر المالكي من اعتداء المعلم على ابنه بالضرب مشيرا إلى ان الآباء يرسلون ابناءهم للمدارس للتعلم وليس للضرب. وأكد أنه سيطرق جميع الأبواب لإنصاف ابنه من هذا المعلم الذي اعتدى على طالب لم يتجاوز "9"سنوات بدون مبرر يذكر على حد قوله.
وقال وفقاً لصحيفة المدينة , إنه توجه إلى إدارة المدرسة للسؤال عن السبب الذي خول للمعلم صفع ابنه بكف يده وذكر له مدير المدرسة بأن المعلم ليس موجودا مما جعلني أحرر شكوي بالحادثة وبعد مرور ثلاثة أيام على تقديم الشكوى عدت فقال المدير أنه أخذ تعهدا على المعلم وتم توجيه لفت نظر له وطلبت منه مقابلة المعلم لمعرفة السبب لضرب ابني فقال مدير المدرسة بأن المعلم ليس موجودا في الوقت الحاضر وأنه بدورة تدريبيبة لمدة أسبوع وعدت مرة أخرى للمدرسة بعد أسبوع وعند مقابلة المعلم أجابني بشكل فيه الكثير من الاستخفاف بأنه مستغرب من هذه العقلية التي تطارده منذ أسبوعين من أجل "كف" وقال لي "رح اشتك للوزير بالسيارة وإلا بالطائرة أسرع لك". واستغرب ولي الأمر أن يصدر هذا الكلام من معلم يفترض فيه أن يكون قدوة للأبناء بالمدرسة مما دفعه لتقديم شكوى لإدارة التربية والتعليم بمحافظة الطائف. من جانبه أكد مدير إدارة الإعلام التربوي بالإدارة العامة للتربية والتعليم بمحافظة الطائف عبدالله الزهراني أن الشكوى تم إحالتها للقضايا التربوية لتطبيق ماورد بالدليل الإجرائي في هذا الشأن.
ماهذا الي يحصل من تصرف من كثير من المعلمين وهل نحن نرسل ابنائنا من أجل ان يصابوا بتشوهات جسديه وأمراض نفسيه لا والله ابنائنا نفيدهم بأرواحنا إذا لم تحميهم الجهه لمسئوله وتتكتم وتغض الطرف عن هؤلاء المعلمين الخائنين لضميرهم والله لو يعتدي على أبني معلم بهذه الطريقه لن اذهب وأشتكي بل آخذ الصاع صاعين حتى لو اروح ضحيه لإبني معلمين فاشلين والله منهم فاشلين وسيئين أخلاقياً وزارة التربيه تتكتم على كل شيئ ولكن ولي الأمر بالمرصاد لكل معلم يلف ويدور الأبناء أمانه في أعنقاق كل أب وليس معلم فاشل الموت الحمر لكل معلم يعتدي على طالب
يجيك طالب قليل ادب وابوه ليس لديه ادنى ادب واحترام مع الناس ومع عائلته
ويجي يستعرض في المدرسه امام ولده
اقول رب ولدك بعدين تكلم بس رب نفسك قبل تربيت ولدك
بعدين اتحدى ان كان الطالب مؤدب والله ابصم بالعشر ما يضربه الا وانه قليل ادب
ياسبحان الله الصحف اصبحت تحاول تكبير الموضوعات طيب اين الصحف من ضرب الملعلمين وتهديدهم كنا بالماضي نضرب بالكف والعصى وضرب طاغي ولا احد يشتكي ولا احد يتكلم قسم بالله هزلت يا وزارة التربيه والتعليم
ههههه اجل يقولك رح للوزير ؟؟؟ عزالله اللي دجيت انت وولدك مدام انها وصلت للوزير
من آمن العقوبة أساء الأدب ...وياكثر هالاشكال في المدارس. ..
شوري عطه كف على خلقته ويتسنع ...
ضرب طالب لانه سأل المعلم انت معلم الرياضيات يا ناس ارحموا عقولنا وحدثونا بما يعقل وخلوكم من الاخبار الباهته الي تجيب الهم ليس كل ما يقال يكتب
كف بس
الله يذكر المدرسين الفلسطنيين بخير كانو يكسرون العصا على الطلاب
على الطالعة والنازلة (( بس طلعو رجال ))
لكن الله يسامح الوزير خرب التعليم وخلا المدرس مالة أي احترام
خذ تقرير طبي يالصفعة التي على وجه الولد
واطلب المدير للشهادة واطلب صورة مما اتحذه
من اجراءات تجاه المعلم من لفت نظر وتوجيه
كما فال وتقدم بشكوى للمحكمة ضد المعلم
بالإعتداء وبالضرب على الوجه للولد.
وأخذ حق ابنك شرعاً ما دام هذا رد المعلم
ودع شكوى ألإدارة تأخذ طريقها حتى يتأدب
المعلم نظاما وإذا وقف المدير بجانب زميله
فاجعله شريكاً متواطئاً معه واتهمهم بعدم
ألأمانة فيما أؤتمنوا عليه.
رزقنا الله وإياكم ألإخلاص في الفول والعمل
ياحليلك ياالمعلم بكرة تقول للطالب كيف حالك يروح يقول لأبوه وأبوه ما يصدق فيها يروح للادارة يشتكي والله بعض الاباء يبيله تربية بنفسه لكن عارفين الامر ماهو بيده
تلاقيها الام الأم الأم سارت تهددالابو
المعلمين بسبب ضغوط الوزارة عليهم يريدون التحويل إلى إداري والحل هو بضرب الطالب لكي يحول إداري .
ياااارجاااااااال عاااد عيال الثنوي عيال الهم بجر والبطاااطس وطيحني بدوو يهاايطوون واالله عمري 34 يتكلموون علي قال الوزير لازم اسلوب تربوي حسبي الله عليه الرسول صلا الله عليه سن الضرب وهوه وحي ....وفي بريطاانياا ترى رججعوو الضرب ..سترى الفوضى والهمجيه في الشوااارع وعلى الحكووومه
قبح الله بعض الرجال ... شكل المدام متحكمه فيه تحكم عجيب ... ولاعبة في حسبته ... وأمثاله من أولياء الأمور كثير ..
يستاهل الطالب وابوه
لو انا مكان المعلم كان اعطيت ابوه كف اخر
اخر زمن وراعين شايفين انفسهم
بس يعجبني المعلم
واطلب من المعلمين تكفيخ الطلاب الغير محترمين
اه يازمن
كنا لما نشوف المعلم خارج المدرسه نهرب منه ونقول المدرس فلان
شوفه
وابوي لما يروح للمدرسه يقول للمعلم خذ اللحم واعطيني العظم
هذا هو التعليم الحقيقي
الله يرحم ايام زمااااااااااان
انشري ياعااااااااااجل
تراكم ازعجتونا كل يوم سالفة في التعليم
الغرب يتطور ويصنع وحنا صفع ضرب تحرش الله يقطعكم
يقالها اخبار اتمنى ارسال هذا الخبر لوكالو ناسا ممكن يتفاعلون
ايام زمان ضرب وتكفيخ واليوم كل شي ممنوع عند الاباء والنتيجة ابناء بعقول خاوية والوعد قياس ويابلادي واصلى
وانت وش تبغى يعني ماتبغى ولدك ينضرب ربه زين في بيتك اولا بعدين روح اطرد وراه
بعدين وش جايبك للصحف والله حق من صكك كف انت مع ولدك يارجال اقضب ارضك واستريح
اصبح ولي الامر مخفه اذا ماتبيه ينضرب لا تطلعه من البيت
شعب ماصدق قالوله الضرب ممنوع صاروا بعض الناس ينزلون ملابس عيالهم بعد المدرسه
يشوفون احد ضربه ولا لا واول مايجي من المدرسه الطالب مايقولوا ايش درست اليوم يقولوا احد ضربك؟؟؟؟
يعني هي المخالفه الوحيده عند ان ولدك انضرب ؟
اسأل نفسك اول انت مربي ولدك صح؟
انت تحترم مهنة المعلم.. قبل ماتحترم المعلم نفسه؟
مااقول غير الله لايبلانامن بعض العقول كل من انضرب دور علىلا جريده
استحواااا ياناس استحوووا
انشروا التعليق انتم كل يوم تكتبون اخبار طويلة وين صوت الشعب
وش اخبار الاضاحي والحج ؟
الله يعين على 07 وغثاهم
رسالة الى كل ولي امر طالب / الرجاء مراعاة ظروف المعلمين في كل الاحوال وعند ارسال ابناءكم الى المدارس يجب غرس التربية الحميدة في نفوس ابناءكم واشعارهم باحترام الصغير للكبير والتحلي بالادب امام الجميع ... امابالنسبة للمعلم فيا حبذا انه لم يستخدم الصفع على الوجه هذا حرام خلقيا ...
تحية صادقة لكل المعلمين والمعلمات ومبروك عليكم الاجازة ....
عاجل نبغكم اسم على مسمى عاجل انشر
مكاوي وافتخر
من امن العقوبه اسا الادب
هذا لوانه ولدي كان مغطت وجه المدرس الوزاره محد عندك تعهد ومراح يعيدها امعطه كف عشان يتووووووووب ويدرس الاولاد زي الناس
والله احنا الطلاب ماقصرنا في المدرسين طلعنا النخل في روؤسهم وترى ولي امر الطالب مايبغى يتكلم لكن عليه ظغط في البيت من ام الطالب الام الام الام ...........
والله تبون كلمة حق ولا مداهنات بصراحه انا عملت بمدرستني اداري لمدة ثلاث سنوات الملاحظ ان الطلاب لايحترمون المعلم ابد وفوضويين ويحتاج تعليمنا لوقف لان اسم الوزاره التربيه والتعليم يعني تربيه بالبدايه وكثير مواقف تحصل يجي ولي الامر شايش ويحاول يغلط المعل وابنه قليل ادب وبذيء اللسان وكثير الجركات المستفزه للمعلمين ولزملاءه بس غالبية اولياء الامور يحملون عداء للمدرس احواني اولياء الامور ساال نفسك قبل الذهاب للمدرسه للشكوى لماذا ابنكبالذات وتاكد انه اي معلم لايحمل عداء لابنك مهما كانوعليك مراقبة سلوك ولدك والتاكد من تصرفاته بالبيت ومع اصدقائه بدون مايشعر اتمنى ان ينح بكل مدرسه من ثلاث معلمين الى اربعه للضرب المؤدب مع الوكيل والمدير ...
ولكم تحياتي
المعلم والعلم والعلم ابلشتوون يا المدرسين كل يوم وطالع لناا واحد ويقول نبي تامين طبي ونبي زياده في الرواتب ومبلشيين خلق الله في كل المواقع الاكترونيه واخر شي ضرب طفل وستهتار وعدم اهتماام بالاطفال والطلاب ع فهم الدرس والشرح والله لوني في مكان وزير التربيه والله ماحطكم ولا على غنم الله يرحم اياام المدرسين الاجانب المصريين يفهمونك صح ويشتغلون بظمير
رحم الله أيام زمان، لك اللحم ولي العظم ، من يوم صار ولي أمر الطالب يراجع المدرسة من شان كف فقل على التربية والتعليم السلام ، المفروض نسميها وزارة الشربة والتقليم ، في زمان مضى كانت وزارة معارف ومعها تربية وتعليم على أصوله ، بالاضافة إلى قوة المناهج والتعليم الصحيح إما راغب وإما راهب واليوم من كثرة التعاميم آسف التغاميم . ضاعت التربية وضاع معها التعليم وللأسف أولياء أمور الطلاب حاليا مجرد ذكور . وصار الأمر والنهي بيدالولية . روح وتعال ، اش قالوا . اش نعمل . هزلت .
و انا من ولي الامر ؟؟كان صفعته بكف وقوله روح اشتك للمحكمة بطيارة ولا صارووخ اسرعلك
المعلم مع حق لأن هناك بعضا من الطلاب يحتاجون لشدة لكي يعرفوا كيفية تقدير المعلم..والشوشرة وإثارة الرأي مالها (داعي) فالمعلم لولا الله ثم هو لما عرفنا حتى كتابة أو قراءة أسمائنا ولكنه الحسد الذي نُهينا عنه في سورة نكثر الاستعاذة بها من شر كل حاسد إذا حاسد..
صفع معلم في إحدى مدارس الطائف طالبا في الصف الثالث الابتدائي عندما سأله " هل انت معلم الرياضيات الجديد " ؟؟؟؟؟؟
حدث العاقل بما لا يعقل فان صدق فلا عقل له ..!
ارحموا عقولنا لو سمحتوا ..!
ارجوا النشر
سبق وحصل لي نفس الالفاظ الوقحه عندما اتصلت
لاسأل عن مستوى ابنتي بالصف الثالث الابتدائي
بمادة الاملا والقراءه فتلفضت المعلمه باالألفاظ االوقحه
وقللت الذوق معي وقالت اذهبي للوزاره واشتكي
واغلقت السماعه بوجهي بلا حياء او ذوق
لاتقولووووون انك يمكن نرفزتيها لا والله مجرد سؤال
بس الظاهر ان الوزاره مالها هيبه
وعقبها زادت بدت تتلفظ على بنتي صح النوم وخير
وترمي دفتر الواجبات عليها وتصرخ بوجهها بنتي والله كرهت
المدرسه عشانها كل يوم تصيح الله يروعها مثل ماروعت بنتي
وبصراحه اقترح وجود معلمه سريه كفؤ لردع مثل النوع *
إحترم المعلم ياقليل الأدب إنت ووزيرك وخل عنك البربرة يالتافه
والله لو أنا ولي آمر الطالب لأصفع المعلم في الطابور وقدام الطلاب والمعلمين وأقول له رح أشتكن على وزير الداخلية بالسيارة ولا بالطيارة أسرع لك ...
فيه تعميم أمر من المقام السامي بمنع الضرب منعاً باتاً وعدم أصدار كلمات نابئة أو مشينة لأي طالب . يجي هالمعلم ويضرب يعني حط الأمر السامي خلف ظهره عسى إيديه تكسرإن شاء الله ..
طالما أن الوزارة لا تمسك العصا من النصف فسيتكرر مثل هذه المواقف سواء كان المجني عليه الطالب أم المعلم .... العيب في وزارة الدجة اللي ما حلت الموضوع من جذوره .
من وجهت نظري كمعلم أن الضرب ليس أسلوب تربوي وخصوصا الضرب الذي يقصد به الإهانة و الألم النفسي .... لا سيما طلاب المرحلة الإبتدائية
يا عمي ما خرب التعليم الا مثل اشكالك يا ولي أمر الطالب المهزلة
ام العيال تحشيك و انت بس مطامر كل شوي بالمدرسة ، فاضي لك هو المعلم كل شوي و انت ناقز عنده ما عنده يعني الا سمو معالي ولدكم الكريم
اقول زين قال لك كذا المعلم ... قسم بالله لو انا محله كان رفستك برا مكتب المدير انت و ولدك لإنك لزقه و قليل حيا بعد
على تبن
ربووو عيالكم مو احنا نربيهم
جييييييل فااااشل ما همه الا البكاء واولياء امور بعقول اطفال وربي
معه حق المعلم يروح يشتكي للوزير اجل لمن ؟
وبعدين مو دايم الطالب مظلوم بالعكس الا اكثر الاحيان الطلاب فيهم شوية قلة ادب وجرأه تحتاج لمثل ما قام به المعلم .
كلهما مخطئ !!!!!!
الطالب مسوي نفسه عربجي عند الطالب انه يقدر يسأل المدرس سؤال!!!!
شفتها اكثر من مرة واتذكرها لما كان ندرس
والمعلم ماناظر لصغر سن الطالب 9 سنوات!!!!!!!!!
خذه على قد عقله
والصفع منهي عته في الاسلام
السلام ..........
طيب ليه تطارد وراه في المدرسة ؟؟؟ روح لأقرب مركز شرطة و ارفع عليه شكوى اعتداء ... و كان فيه خير خله يقول لك رح اشتك عند ولي العهد ...
وبعدين أنت ما قصرت وصلت للمعلم و تأكدت أن سبب الضرب لادخل له بالتعليم ..
المفروض أخبار زي كذا ماتنشر وايش الفائدة منها
او هي خلاص اذلال للمعلمين بكرا نلقى شكوى على معلم بس قال للطالب (كيف حالك)
لانك مقصدك شيء ثاني ياعاجل وياااناس اتركوا المعلمين بحاهم
كفايه مايعانونه في المدارس؟؟؟
وأنا أشتكي الى الله أبي فروقااااااااااااااااات
فروووووووووقاااااااااااااااات السنبن اللي درسناها مع وجود فرق بالراتب الآن
الله ينتقم من المتسبب كان من كان !
ياعاجل مايصير هالكلام وكل يوم تتصيدي على المعلمين ..الخطاء وارد بكل مكان وزمان..كل هذا حسد على المعلم ..ولا الرجال يبغى يقاضية عشان ياخذ تعويض..
رح اشتكى الله يقويك
انشري ياه=عاجل
المفروض يشكر المعلم على هذا التصرف في تربية الملاقيف ويخبر ولي الأمر أن أولادكم يأتون للمدرسة للتربية أولا ثم التعليم ثانيا ...
بصرااااااااااااااحه صرنا نعاني نحن المدرسين من إهمال الطلاب وقلة أدبهم على المعلم ورفع أصوااااااااتهم وأعتقد أن الأب بالغ في الموضوع المفترض يصبر حتى يشوف ردة الفعل الثانيه لولده مع المدرس مهومن أول كف راح يشتكي ويراجع المدير عشان كف، ياليت الأب يتذكر كيف كانت أيام دراسته والضرب اللي كان يلاقيه من المدرسين القدامى ولو رجع نظام الضرب للمدارس راح نشوف التفوق والاحترام والانظباط داخل المدارس وهذه بالعكس لمصلحتهم وان يكون الضرب ليس حادا بل الوزارة تحدده،،،،،،
والله طلاب هالزمن مايمشون الا بكفوف وبكسات يعني بالله بالعقل معلم يقوم بضرب طالب بكيفه اكيد الطالب قليل الادب
اقول لاتعب نفسك لانه بختصار الوزير لايرى هذه القضايالانه لايوجد فيها عنصر نساء او بنات
عررررف ايش اسااس اسخفااف بعقول الناس
انتم يا صحيفة عاجل خبر ساامج من صحيفة مفلسه والمحرر كيف له ان ينشر مثل خبر اهبل زي ذا
معلم وضرب طاالبه وش فيهاااااااا
الحل مع المعلم أقصد الجلاد لأنه لايستاهل لقب معلم بل جلاد ان يقوم ولي امرالطالب بضرب المعلم داخل الفصل أمام الطلاب لكسر شوكة هذا الجلاد حتى يعلم كل جلاد في هذا الزمان ان العين بالعين وليس للشكوى التي تأخذ طرق طويله دون جدوى حتى تتحرك الجهات ذات العلاقه لوضع حل لهذه المشكله التي صارت ظاهره للعيان بسبب ان الدوله أعطت وجه اكثر من للازم للمعلمين مثل رفع الرواتب التي ليس لها مبرر بأي حال من الأحوال والحوافز بالدرجات والنقل التقريبي بطريقة مبرمجه والسماح بوضع للجنه للمعلمين من اجل أهانت المعلم للطالب لكن الحل بيد الأهل لتأديب كل معلم يخرج عن طريق الصواب في الحال وعند المدرسة تكفون يأبناء وطني 0000 أنشر للحياد وشكراً0
تدرون ليش السبب
لأن الأداره في دجه
والمعلم في دجه وضياع
والوزير أضيع وأضيع
لكن ارفع بأوراقك لزوجت الوزير فكل شي عندها والحل عندها
الله يالزمن عشان كف قومت الدنيا وين هذيك الايام الفلسطيني يحط القلم بين الاصابع بعز البرد ويفره يظغط على يدي لا واذا رحت لابوي وقلتله حتى ابوي يظربني ياخي خلو المدرسين على راحتهم نبغى جيل فيه شوي رجاله مو مثل البنات يااااااااااااااي
بالله هذا رد معلم هذا بزر ويجب على أب الطالب عدم التنازل عن هذه القضيه
ويجب ان يعلم ما هو قدر المعلم إذا هذا اسلوووبه
والله من زود البطره الي عند المعلمين صارو مايعبرون احد مجموع دوام المعلم طوال السنه فقط سته الشهر وراتب خيالي ولاحسيب ولارقيب حسبي الله عليكم وعلى من نفخ ريشكم
اكيد الطالب مجنن المدرس يوم كنا طلاب المدرسين لهم هيبه المفروض ولي امر الطالب مايشتكي لان المدرس هو المربي بهالزمن
المفروض الوزارة ترجه الضرب ويكون بحد معين بحيث لايخرج عن اذية الطالب
اولياء الامور لاياتون الا عند ادنى مشكلة للمدرسة ولا عندة استعداد ان ياتي
لسوال عن مستواه في المدرسة
بهذا الوضع الطالب يكون غير مبالي بتعليم اهم شي اني ما اضرب
بعدين تحدث حزازيات بينه وبين الطالب والطالب محتاج الى المعلم هذا علم
بعدين طلاب هذا الزمان ماينفع الى الضرب صدقوني انا مجرب والله اني اضرب لاكن
في اليد ومن عند الكتف ضرب تأديبي ليس انتقامي
اقول يا ولي الامر لااتخرب العلاقه بين الطالب والمعلم انت ماتدري يجلس معه
6ساعات كل يوم خل المعلم تكون علاقته زينه مع الطالب حنا كل عمرنا نضرب
زشفنا صرنا معلمين عادي .....
فعلا ليه تشكتي ماراح يجيه شي والله منت مستفيد شي المفروض اعطيته كفوف لين يعض الارض ومعاه مدير المدرسة!!
الله يجزاك ألف خير خله يربيه ويربي أبوه معه, أبد لا حد يهمك يااستاذنا الفاضل لا أحد يهمك نعم خلّه يشتكي للوزير أصلا الوزير ؟؟؟؟؟؟؟؟؟؟؟؟؟؟؟؟
المفروض يفصلون المعلم من المرسة
عشان باقي المعلمين والمعلمات ياخذون عضة وعبرة
والله مسكين هالمعلمين عاقبوهم
قبل كنا ننجلد جلد ولاحد يقدر يتكلم
والحين لو ترفع كلينكس على الطالب ياويلك
اي واله زمااااااااااان
الحين هذا هو سبب الكف اشك في ذلك طلاب الزمن هذا الواحد لسانه اطول منه وياليتها في اطار من الادب لكن وقاحة وقله ادب والاباء يتعاملون مع المعلمين على انهم اعدء لاابنائهم يجب تحجيمهم في حين والله المعلمين ينرحمون وزارةالتربية قصقصت ريشهم حتى ما عادوا يقدرون يرفعون عيونهم في الطلاب وبعض اولياء امور الطلاب يطلعون الكبت الي فيهم في المعلمين وطلاب زمن التكنولوجياما حديقدر عليهمم وفي الاخير لكل عمل جانب سيء وجانب جيد والله يرحمنا برحمته............
السلام عليكم..للاسف فعلا عقيلة ولي الامر مجوفه يجب ان يضرب الطالب حتي ويتعلم لان هيبةالمعلم ضاعت ويجب على المعلمين المطالبه بحقوقهم مثل الطالب..واقترح انشاء جمعيه تطالب بحق المعلم ...
لو كنت مكانه وطيب بطنه قدام الطلاب والمدرسين .
كلها كف ولو ما يستاهل ما صفقه ............وبعدين بعض اولياء الامور فاضين وخلوا شغلتهم هالمعلمين
السلام عليكم لو الطالب اللي ضرب المعلم هل سوف يؤخذ حقه ام لا اذن الجواب معروف انا اطالب بجمعيه لحقوق المعلم لان هيبة المعلم من هيبة التعليم...والله لست معلم لكن فضلهم علينا بعد الله كبيييييييييييييييييييير ...
لازم نسمع من الطرف الثاني الي هو المعلم بلاش ظلم
حلوووه رح اشتك للوزير بالسيارة وإلا بالطائرة أسرع لك". واستغرب ولي الأمر أن يصدر هذا الكلام من معلم يفترض فيه أن يكون قدوة للأبناء بالمدرسة
امسك المعلم وخذ حقك بيدك
واي مدرس يطلع من البيت ماافطر او مزاجة نعال من السهر - يلفع خلق اللة ؟ اقول نامو بدري ويزين مزاجكم وخلو الدباشة عنكم - كان فيكم خير عندكم طلاب الثانوي اتحداكم تمدون ايديكم عليهم بتعطية كف يرفعك بركبة مع اللي يوجعك
والله لو انا من ابو الطالب كان جيت لمه وصفعته وقلت له رح انت اشتك عند الوزير
اربيه هو وخشته مابقى الا هي
تبي الجد هو صادق وااضح الولد زي ابوه راعي شكاوي اسبوعين اسبوعين الحمدلله والشكر الناس تبكي على سلطان وذا من دايره لدايره شكله مايدري وش حصل خلال الفتره الي هو فيها يدور على الإنتقام من المعلم
ما أقول إلا الحمد لله والشكر على العافيه والله يرحم سلطان ويوفق نايف
انا ضد الضرب وخاصه مع الوجه
ولكن لا الوم المعلم لان بعض الطلاب قد تمرد ويرفع الضغط بقلة ادبه والبركه في الوزاره التي قضت على هيبة المعلم لدرجة حتى الطلاب الصغار يتطاولون علي معلمهم لانهم يعرفون لايستطيع عمل شئ لهم حتى الرسوب شبه ممنوع
ذكر لي احد المعلمين انه في احد الايام يلوم طالب في ثاني ابتدائي لتقصيره في الدراسه ويسدي له النصح
فقال له الطالب اسكت ولا اعلم عليك ابوي
تصوروا هذا رد طالب في الصف الثاني الابتدائي لمعلمه
رحم الله زمن العقلاء
كان ياما كان ان الاباء يقولون للمعلمين هذا ولدكم خذوه لحم وردوه عظم مقالة فيها كناية لاتعدوا كونها نوع من التربية فلا المعلمين اخذوا الابناء لحم ورموهم عظم ولا اولياء الامور كانوا مستعدين لهذا الامر الجلل .
عموما
اختلف الزمان واختلفت العلوم ويازمان العجايب !!!!!!!
يا ولي الامر تبغى تشتكي شكوى كيديه .. دور لك سبب ( اقصد اختلق لك سبب قوي يستحق الشكوى) اماكون المعلم صفع ابنك كف لانه قال له انت مدرس الرياضيات الجديد.. فهذه لا تدخل العقل ولا تفيدك في شكواك ..
سبحان الله العظيم . .عالم فاضيه تشم رائحة المشاكل في مئات الكيلو مترات.
وتأكد ان الايام دول .. وقد يصيبك الله في ابنك ان كنت كاذب
ياناس ماعندكم الا هذا المعلم المعلم سوى المعلم حط من جدكم انت حتى عيالكم ماتتحملونهم باقي اليوم او في الاجازات انواع التصفيق من الاباء للعيال وبالاخير يقولون ولدي انصفق كف اه على زمان اول انا اقول حتى المعلمين فيهم حقهم بس مو اي شي يا عاجل ارتقي بطرحك حسبي الله ونعم الوكيل كل ما نقول تطورنا نرجع ورى
اخاف يجي يوم ويقولون المعلم شرى ثوب المعلم باع ..........................................................................
والله مسكين المعلم الكل ضده الوزارة والانظمة والادارة بعدين اذا كان ضاربه اكيد عند شئ كبير ماأظن أنه ضربه عند سؤاله؟؟؟؟؟؟؟؟
هذا بلا بوك ياعقاب أولياء أمور غير واعين ويفكروا عيالهم ملائكة والله ما ضربه إلا بط كبده وانت راقد بجنب المحروسه في البيت ولو طلبت المدرسة ولي الأمر جلس سنه لحدما يزور المدرسة
الله لا يسامح من منع الضرب عيال قليلي أدب وأولياء أمور بعد يحتاجو إلى تربية\
الله لا يسامح من منع الضرب عيال قليلي أدب وأولياء أمور بعد يحتاجو إلى تربية
الله لا يسامح من منع الضرب عيال قليلي أدب وأولياء أمور بعد يحتاجو إلى تربية
الله لا يسامح من منع الضرب عيال قليلي أدب وأولياء أمور بعد يحتاجو إلى تربية
الله لا يسامح من منع الضرب عيال قليلي أدب وأولياء أمور بعد يحتاجو إلى تربية\
الله لا يسامح من منع الضرب عيال قليلي أدب وأولياء أمور بعد يحتاجو إلى تربية
الله لا يسامح من منع الضرب عيال قليلي أدب وأولياء أمور بعد يحتاجو إلى تربية
الله لا يسامح من منع الضرب عيال قليلي أدب وأولياء أمور بعد يحتاجو إلى تربية
روح شوف ولدك متى سأل المعلم تلقى المعلم بنصف الشرح ولدك الملقوف قاطع الشرح علشان هالسؤال البايخ
الله يعين المعلمين وبس
اقول الله المستعان ، والله يوم منعوا الضرب كثرت الفوضه ، وأتمنى من ولي الامر يسحب الشكوى
الله يكسر يده ,,
وان شاءالله ربي ياخذ حق الولد
كل الشكوى هااذي عشاان كف الله يرجك تدري لوو اني مكان المدرس وش راح اقوولك يمين بالله انااللي اوديك للوزارة ياابو كف هههههه @@
هو صادق رح اشتك للوزير ههههههههههههههههههههههههههههههههه
وين الردود يامتخلفين
ليش الردود ماتنزل ياعاجل لابد تكون فيها سب للمعلمين بعدين تنزل المعلمين والمعلمات هم الاساس في الوطن
من امن العقوبة اساء الادب .
سلامات يا عاجل تخلون من الحبة قبة يعني مات الأب لأن المدرس قال له روح اشك للوير أو الطالب مات عشان ضربه المعلم.
بصراحه ياعاجل أنتم تأخذون الخبر من طرف واحد وتنسون الطرف لثاني بس عشان الإثارة .
ليه ما يكون الأب جاء للمعلم وتكلام على المعلم بألفاظ نابية أو الأب مهمل ابنه وأرد من المعلم ينجح ابنه هناك سبب خل لمعلم يقول هذه الكلمة.
وأنا ضد الضرب المبرح أو الصفع على الوجه وأيضاضدالمنع الكلي للضرب لو تم تقنين الضرب لكان أفضل من المنع لكلي لأن الضرب على الأقل طلع رجال ماهم جيل اليوم جيل ياي نعومي يخاف من الفار...
والله عارف من يوم قرئة العنوان انه ابتداي مايسطه فى الثنوي
المعلم لن يضرب الطالب إلا إذا قل أدبه وفشلت معه كل المحاولات لتاديبه
الاب لو ربى ولده زين لن يضربه المعلم من بين الطلاب
طلاب اخر زمن
خمسة الاف ريال لمن يكسر يد المعلم
هل تتوقعون أن هذا الخبر غير صحيح
يعني مجرد ردة فعل من الوزارة على الأخبار السابقة للوزارة
كلش يصير
والله شرهة مو عليك الشرهة ع ابوووك الرخمة
لاحول ولاقوة إلا بالله مازال المعلمون يصبون ضغوطهم على الطلاب إلا من رحم الله .. أتقو الله في الطلاب فكل مافيه هش ولين كيف ننتظر جيل افضل وهو يكسر نفسيا وبغير ذنب فكل كف له ثمن ولاأحد ينكر ان الضرب يؤثر على الشجاعة والإقدام والإبداع ,, شلت يد من أراد ضرب ابني .. شلت يد من سلب براءة طفلي ..
هذا معلم تربية حيوانات .
سبحان الله لماذا هذا الهجوم على المعلمين أليس هم من بنو البشر وأنا متأكد أن الموضوع ليس كما ذكرته جريدة (المدينة)العدو الأول للمعلمين فكثير من القضايا التي نشرتها جريدة المدينة والتي تخص المعلمين كان فيها الكثر من المبالغة وأيضا التحامل على المعلمين وبعدين بالعقل أسألكم بالله هل من المعقول أن يصفع المعلم الطالب لأنه سأله هل أنت معلم الرياضيات الجديد أرجو من الإعلام المحرض أن يرحم المعلمين وأن يراعي العقول لأن سبب المشكلة التي ذكرته جريدة المدينة لايمكن تصديقه0
صدقون لو الطالب ما قل أدبه على المعلم ما ضربه
نحن تحت مظلة التربية والتعليم
تأتي التربيه قبل التعليم ولكن الأباء والأمهات الآن ومن كان في حقل التعليم او معه شهادة عليا يفهون التعليم
انا تحت مسمى دلع وتعليم
انا في روضة خاصه وفيه اطفال يتلفظون بأوسخ الألفاظ من امهات معلمات واباء ضباط
والله انهم كلهم موظفين في التربية معظمهم واولادهم قمة في قلة الأدب الفاظ
كولي ز,,,,,
يا معلونه
واذا قلنا للطفل قليل ادب انت عيب الكلام
تعالوا شوفوا الهاوش من الام ولدي ماهو قليل ادب من كثر ماهيب تهاوش اخاف اني انفصل من عملي
والله الاطفال تمادوا في قلة الادب والسبب الاهالي ولااااا كأنهم يمرون بقلة الادب مع طلابهم وطالباتهم
التعليم بأهله تعباااااااااااااااااااااااااان
ماقلنا دلعوا عيالكم ولكن بأدب كلنا مدلعين بس ماهو لهذه الدرجة اني اقول للمعلمة كولي ز,,,,, انت معلونه ..انا بروح اشتري من المقصف غصب عنك
يا عاجل و الله ما يصير اي خبر ضد المعلم تنشرونه دون التأكد من صحته ؟؟
بالله بالعقل معقولة معلم يفصع طالب عشان قاله انت معلم الرياضيات الجديد ؟؟؟
يا أخوان محنا أطفال عندكم عشان تنزلوا اخبار مثل هذة
وياليت ينشر تعليقي !!
ليس من المعقول ان يصفع طالب في هذا السن ولأنه قال هل انت مدرس كذا ؟؟ اولياء الأمور عارفين ان المعلم مضطهد بشكل رسمي من وزارته التي تحاول استفزازه وتطفيشه من هذه المهنه فأصبحو اولياء الأمور يتجنون بشكل فاضح على المعلم
ولي امر الطالب غلطان المفروض يقعد للمعلم اذا طلع من المدرسه ويمسكه حي ويفكه ميت ويدعس على خشمه لان بصراحه معلمين الايام هذي ماتحسهم معلمين ولاحتى يداومون شغلهم بس يزطون في هالاكل الواحد كرشته تقول كرشة حامل
راح يعملون له تحقيق .. ولفت نظر .. ويمكن ينقلونه مدرسة ثانية .. يعني شوفونا عاقبناه !!! ..
وزارة فاشلة .. فلا يستغرب أن يكون فيها معلمين من هذه النوعية الفاشلة ..
الله يوريني فيكم يوم يبرد قلبي ..
فيه بعض المعلمين يشوهون صورة المعلم الحقيقي المجتهد الميثالي واعرف والله من المعلمين ماشاء الله يقدم الطلاب علي ابنائه
ولكن لي الاسف الشر يعم والخير يخص
في كل وظيفه شر وخير
والله انه انعدم التعليم من يوم راح العقاب
وين تعليم زمان طلع رجال والله انهم قادة المجتمع الان
تعليم الوقت الحاضر على الدنيا السلام
تقول لطالب وين الواجب يرد ما قدرت احله تقول بارسبك يقول الكمبيوتر ما يقصر
ينجحني تجاوز
لوتقول لولي الامر تعال درس فصل ولدك. كان تبرأ من ولده
قسم بالله ان اكثر المدرسين بيدخلون الجنه بسبب صبرهم على الطلاب
وتصيد اخطاء المعلم يذكرني بتصيد اخبار مغلوطه عن الهيئه
مستحيل المعلم يصفع الطالب لهذا السبب التافه لأنه سأله أنت معلم الرياضيات الجديد أكيد المسألة أكبر من كذا لأن طلاب هذا الجيل متمردون ويتطاولون على المعلم بعد أن ذهبت هيبته بسبب الوزارة