قصيدة “نسمة هواك” للشاعر ” عيد المطلق”

مادامها ب انظف ضمير وحب واحساس وغلا
ماهقوتي ياخذ محلك شخص ويسقط غلاك
••
في داخلي حزبك قوي باني حدوده من ولا
وانا ادري انك مستحله خافقي يا أغلى ملاك
••
ببقى معك ل اخر نفس ماردني ظرف .. وبلا
دام الهواء في واقعي ماهو مثل نسمة هواك
••
ومادام خاطرك الرضي في مسكنه هام وسلا
رؤية هوانا ساريه والقلب من دمه شراك
••
كني محمد سيدي وانتي “طموحات” العُلا
مستبشره منه الطموح اللي يحقق مبتغاك
••
ياضحكة أيام العمر من قلب ياريم الفلا
يالكامله عن كل نقص العاليه في مستواك
••
تباشر حروف الشعر بك من طبوع ومن حلا
ولايجذب حروف الشعر الا مزاياك وحلاك
••
انتي مجيك للمحل لاطال في وسط الخلا
ينبت نواوير وزهر من تاصله لحظة خطاك
••
واثر النحل لامن بغى زود العسل جاك وكلا
من وجنيتك الناعمه ولا تمنين ب عطاك
••
فيك اكتفي يامُلهمه ماشدني جمع الملا
انتي عن جموع الملا يالجاذبه في محتواك
••
وياللي بقلبك غيض من وصل المحبين امتلا
منت “بوكيل” أدم على ذريته خلك وراك
الشاعر :
عيد المطلق