"أمي" قصيدة للشاعر عبدالله المالكي

تضيق الهجوس وتنفجر بالكلام الزين=واهجرس بمكنوني وفكري تحداني
على غير عاده ... ننعي الحي ... والميتين=وبيت الشعر ... ما ساعد الحي ..والفاني
كدار الزمان ... الشين ... والاّ كدار .. العين=توالت .. كدار .. الاولي ... بعده ... الثاني
يا ليل السعد يا ليل الاتعاس حين وحين=تمرين .... ما كنك .. تحسين ... بالعاني!!
غشيت المكان اللي حواني.. وبيت الطيًن=ونبع الحنان اضحى ....يهجرس على شاني
يا يمه فدتك الروح ...واحلف عليها يمين=وهذي هي امي طول عمري .... تفدّاني
انا ما نسيت اللي .. مضى يوم ... كنا فين=نكادي زمان المرّ ... في كل ... ميداني
تذكرت وامي .. تجلب الماء لنا امن العين=ومن قاع ذيك البير .... واشرب وانا هاني
تحوف البلاد .. وتحصد المد .. والمدين=وناكل .. وحنا في ذرى .. البيت .. ورعاني
تذكرتها ... تسهر علينا على .. الكوعين=تمرّض وترعى .. لاجل ورعن .. وشيباني
يا يمه يا نبض القلب بين القسا واللين=اجد فيك جنه .. تحتويني .. وتحماني
حقوقك كثيره .. والحقايق لها محصين=يعدونها ... والله يجازي ... بالاحساني
الا يا الله ارشدني ... وارد العطا ... والدين=لوني ... ضعيف الحيل ... ربي تولاني
بقلم / الشاعر عبدالله عطية المالكي