قصيدة للشاعر عقاب الربع

تمشي شوي شوي لكن تجنن
العشب كنه حالف يعرقل خطاك
شكله يبي منك .. وشكلك تمنن
كل الدروب .. تقول ياعلني فداك
ويل وتعدي بعد لحظه يحنن
ما أحلى من الوقفه .. سوا ضم يمناك
إلين أساويرك بسمعي يدنن
يعني إذا ضلوعي .. زمان أترجاك
ضلوعك بيوم اللقى .. وش يظنن
عيون ٍ ترومش .. ماتمتَع برؤياك
ليا رومشن ياعلهن مايثنن
بشوف وش تالي هالأشواق وياك
سولف مدام ايدي .. يمك تعنن
تفننك بالسالفه .. لحظة حكاك
طبيعة ٍ لك .. بس كنك تفنن
كن اللحن .. عاف الحناجر وغناك
لا يابعدهن كلهن يوم غنن
طفولة حروفك قبل تطلع شفاك
تشبه مغاغات الوغيد .. المسنن
اللي لو إنه شم عطرك من هناك
لو يتكلم .. قال عطرك يجنن
ويلي عليك .. وويلك .. ول ما حلاك
ونيت .. وأنفاسي سمعنك .. وونن
شميت وردك لين زفرات الأرباك
يوم المشاعر .. جاهن اللي تمنن
من قلت لك عطني .. ومن قلت لك هاك
ياعلنا .. نبطي وحنا مجنن