"دردشة مصيّف " للشاعر مضواح بن شتوي

ما كسبت من الجنوب إلا براده=كل يومٍ جوّه الفتٌان غائم
من حلاة الجو صار الصوم ساده=يآذن المغرب ولا كني بصايم
والأمور الثانية ما من سعاده=منشغل ما بين روحات وعزايم
عند ربعٍ حبهم للضيف عاده=يكرمونه با المحبه والولائم
الخسارة كل يوم في زياده=مسرفين في المقاضي والبهائم
ماخذين في الكرم نوط السياده=حظهم في المرجله والطيب قايم
والأمور الثالثه شتم ونكاده=قمت اسد الأذن عن بعض الشتائم
من هل القفوات عشاق القرادة=همهم بين العرب عد الذمائم
ودي اصيّف واكبّر في الوساده=غير عيوا اللي يردون العلائم
ماخذين في النفاق اكبر شهاده=اشغلونا وازعجونا بالنمائم
من بكاء من غير قصد ودون أراده=قالوا الرجال ضامته الهزائم
ومن ضحك قالوان قرصه في الرماده=ومن تحمّل لحقه المنقود دائم
والأمور الرابعه هم وجلاده=من غراب البين فوق الرؤوس حائم
ان نزلت السوق اباشري من مزاده=دبلّوا سعر المشالح والعمائم
وان زر قت أبها ا راجع لي عياده=لقيني السفاح ساهر بالقسائم
والمصًّيف لّو يصيّف فًي بلاده=صار مثل الهرش مبتور القوائم
والقصور يصير حتى في العباده=والمقيم يكد وابن الدار نائم
والبلد لّو ما انتبهنا الاقتصاده=ما كسبنا من فوائده الغنائم
والجنوب اللي سحر قلبي براده=يأذن المغرب ولاّ كني بصائم