يابن كدم وافي وفعلك وافي

هاض الضمير وزان بدع القافي=من ولف روحي بأبتدع توليفه
بأجنب الأرباع والأنصافي=وأبيع وأشري والثمين أضيفه
شاعر ولي قدري ولي ميقافي=والشعر مرباع الضمير وكيفه
سلام يالقدر الجليل الضافي=يامنجي البلشان مكرم ضيفه
ياكاسب النوماس جهر وخافي=صقر تعلى والوكور منيفه
منهجك حسب السلم والأعرافي=نهج الشريعه والقلوب نظيفه
يابن كدم وافي وفعلك وافي=فعلك شعاني والدموع ذريفه
مابين حكم العدل والأنصافي=ومابين سياف تلامع سيفه
قالو أسمعو وأحتاط يامن شافي=وأشهد يامنجي يونس من الخيفه
أعفيت أبن خاطر بقلب صافي=عفو لوجه الله وأبي تشريفه
سجّل على وجه الزمن وأضافي =فعل يشرف والفعول كليفه
ولاني بناسي ربعه الأشرافي=أسم القريشي لازم(ن) أضيفه
والحمد للي بين نون وكافي=أمره جعل جدب البلاد مريفه
من هول علم فالبلاد أطافي=علم شعاني وأحتداني طيفه
ذكرت من بعض الوصوف أوصافي=وخطيت شعري والدموع ذريفه
الشاعر سعيد بن مفلح الخزماني