آل كدم اهل الوفاء واهل الجمايل

الشاعر/ حسين بن منصور الشريفي بعد العفو من ابن كدم في قاتل ولده جزاه الله خير وبيض الله وجهه.
يا قحطان ويامشاييخ القبايل =بيض الله وجه من فك ابن عمه
موقف من شافه يشوف الهوائل =اعتزا ابن كدم بعزوم وهمه
شاف ابن عمه بقيده ويتمايل=جاهز للسيف وأهمومه تخمه
وبعد ما تلي البيان وهو يخايل=جاه راعي الدم واشر له ولمه
واعتقه عتق الشيوخ أهل الصمايل=قبله واجهش بكاء واعلن وضمه
آل كدم اهل الوفاء واهل الجمايل=عفو شيخ وطيب ساس الله يتمه
سجلوها وانشروها في رسايل=فرحة المسكين والا فرحة امه
اقتدوا تكفون بشيوخ القبايل=مثل فعل ابن كدم عند ابن عمه
رد الشاعر/ ناصر بن شتوي ال عمران.على الشاعر/ حسين بن منصور الشريفي
يالشريفي تذكر اصحاب الفعايل=والمهمه تظهر رجال المهمه
موقف شفته يسوق الدمع سايل =انسكب حزن وفرح جمه
وعرفو اهل الطيب وارجال الجمايل=واشهد ان الجرح لاقى من يظمه
ابن كدم الشيخ من روس الحمايل=ترفع البيضاء لهم في كل قمه
دون ابن عمه وقف وارتز قايل=ابشر ابشر بالعفو والدم دمه
لحظةً فيها يصير الشك زايل=يوم ابو القاتل دموعه فوق كمه
قبله تقبيل شيخً مايحايل=والوفاء عطرً يشمه من يشمه
كسبها دنيا ودين وله دلايل=في علوم المرجله محدن يذمه
فاتحة خيرً على باقي القبايل=والوفاء بين اقحطان الله يعمه