بزغ فجرك

كفاية يا شعري ما بقى فالصدور قلوب
وش اللي بقى من نبض فقلوب حسّادك
انا قبل اعرفك ما حسبت القلوب تذوب
لين بزغ فجرك وحلَيت فبلادك
لوإن الحسد يبني بيوت الحجو والطوب
ما ذابت قلوب اهل الحسد تحت وقادك
ولو ان العمر زله ونقش البيوت ذنوب
ورحمة عدوك تحت برقك ورعادك
هجرتك ومن ذنبك وهمك قدرت اتوب
لكنك قدر مكتوب طيشك وميعادك
عشقتك غل يوم اني عشقك علي مكتوب
وحفظتك وله فعيون ناسك ونقادك
رسمتلك من دمي مساحة مدى ودروب
ولبستك أغلى ما أملكه في أول اعيادك
وبنيت لك دولة تحتضن في ذراك شعوب
وصرحاً عليه اسمي وتاريخ ميلادك
وقبل لا تكون بروح جمهورك المطلوب
تراك اقرب من الروح في قلب جلاّدك
يرحب بك الخفاق من كل فج وصوب
وبين الضلوع العوّج جلستك وشدادك
وليا ضاق من جو الهجيني هواء المسحوب
ما ضاقت من المركاض فالساحة اجيادك
ومادام ان جمهورك وعشقك قدر مكتوب
تربع على عرشك ومركاك وشدادك