وش هذا يا تلفزيونا؟!

الظاهر ان قناتنا الأولى عندنا احساس ان ماحد يطالع عليهم، عشان كذا ياخذون راحتهم، عادي ممكن تسمع صرير بالصوت والضيف يسولف، ممكن يقولون لك ننتقل الآن مباشر لنقل وقائع المؤتمر الفلاني ولا يطلع لك شي ماغير صورة ثابتة ماتدري وش تبي، وليته على كذا بس، مع الصورة الواقفة تسمع صوت واحد كنه سرسر في اذن رفيقه باستراحة، ويوم تبي تسمع وش يقول يطلع الاخ يتدرب على العناوين والكلام اللي يبي يقوله، ثم تطلع مناظر طبيعية وموسيقى ثم يطلع برنامج واضح انه انحط عشان يعرفون وش السالفة، صار هالشي قبل امس في حلقة اصداف، يعني يوم الأحد الساعة اربعة وخمس وعشرين دقيقة اثناء كلام الدكتور فهد العتيق، حنا مانحب تكبير السوالف، بس بصراحة هالشي ماعمرنا شفناه يحصل ولا حتى بالقنوات الشعبية اللي تبث من صالة بيت راعي القناة، طبعا تلفزيوننا الله يطول بعمره قد صار منه شغلات زي كذا قبل هالمرة، ولااحد يجيب خبره، مانبي مضرة احد الله لايضر مسلم، حنا نتمنى نشوف تلفزيونا احسن تلفزيون بالعالم بس الشكوى لله، نظام تكبير الوسادة صاير موضة بكل مكان الله يخارجنا على خير، على راي اخواننا المصريين: فتكم بعافية!