السلامة ياملكنا والدعا تحظى به

وان وقف (صقر الجزيره) واعتلى مرقابه=يستفيض الغيم نور / ويهتف المرقابي
الاماكن/ شوقها يشبه لشوق احبابه=والفرح بين القلوب الصادقه ينسابي
ياملكنا نحمد اللي حكّمك بكتابه=نحمده حمد ً ولابعد الكتاب كتابي
السلامة ياملكنا والدعا تحظى به=تلهج الألسن بصوت الحضر والأعرابي
يابعد شعبً (رجاجيله ) فدا لترابه=انت مثل (العين ) دونك توقف الأهدابي
ياملكنا / والملوك بوصفها تتشابه=وانت وصفك لاشبيهاً له في الالقابي
ضحكتك ..هزة يمينك .. حاجبك واهدابه=عبرت عن معدنك /ياطيب الانسابي
اكبر القابك (ملك عادل) تفوح اطيابه=واصغر القابك / زبون الموقف الغصّابي
همتك ياسيدي/ في رورحك الوثابه=طول عمرك للمعالي والشرف.. وثابي
قصرك اللي للهبايب مشرعات ابوابه=مثل قلبك للخلايق مشرع.. الأبوابي
مملكتنا /امنها وامانها تحظى به=لاغدت بعض الاماكن بين ضرس ونابي
مانقشنا (فتنة الشيطان) في جلبابه=نحرق الفتنه/ مع الشيطان /والجلبابي
ولا تهيجنا حروف العالم المرتابه=دون (وحدة مملكتنا) يسقط المرتابي
سيدي / والأمر لله / والبشر ترضى به=وانت تحكمها بشرع الواحد التوابي
كل شيئا يكتبه ربي/ تبين اسبابه=وانت في (رفعة بلدنا) اثمن الاسبابي
ارضنا والدين / كالابهام والسبابه=افهموها .... واعقلوها يا اولو الالبابي
ارضنا /تحكم بشرع الله .. ماهي غابه=لايساومنا حقود/ ولايدندن هابي
وان وقف صقر العروبه واعتلى مرقابه=علقوا بالغيم نور .. وزينوا المرقابي