رذاذ الصبح

كنت اجمع رذاذ الصبح من صورتك
وانثره في طريقك ويتنهد شجر
والفراشات حامت فوق اباجورتك
شدها الضو واثر الموت يعزف وتر
شفت شمسي حزينة قلت من ثورتك
في خيالي وما يحرق سنابل قمر
ما قدرت اتصور تاصل خطورتك
تغرس ابرة نحلك بشهدك اللي قطر
والعصافير حطت فوق مقصورتك
وانت حوطت عشك يوم طاح المطر
للقطار السفار وجيد مقطورتك
بين اياديه والحكمة لجام المهر
فوق زهر انتظاري تلعب بكورتك
غرك ان المدى واسع وقلبي خضر
كيف لو دار وقتي في فلك دورتك
وصرت مثلك وهزهزت الشجر وانكسر
واقف وتتلي افواه الغضب سورتك
كنت تقدر تماسك يوم قلبي قدر