«جنة»

كيف ب اكتب عن غلاها كيف اعدد
يا فديت تراب خطوتها الندية
الغلا لامي من المولى تجدد
نعمةٍ ينعم بها رب البرية
جنةٍ فالأرض ما عنها تصدد
لابيض المبدا ومحمود السجية
كل هم بدعوةٍ منها تبدد
وكل ضحكة من ملامحها هدية
والليالي دينها الموجع مسدد
لا رضت عني بلمستها الحنية
جعلني فدوة عطاها لا تردد
صوتها الحاني توصيني عليه
كيف ما اغليها وانا عيني تلدد
خوف ازعلها وهي كل البرية
حبها مع نبضة القلب ايتجدد
والرضا منها حياةٍ سرمدية
مالها في خاطري يومٍ محدد
كلها الأيام لامي عالمية
**
ألف لا باس يمه
يا بعد كل غالي
النعم فيك جمة
والعطا منك عالي
ضمتك بالف ضمة
وشمس عمرك ظلالي
ولمستك بالف لمة
يا سحايب وصالي
هم ولدك وغمة
لا اتعبتك الليالي
ينحرق فيه دمه
وينكسر فيه غالي
انتِ بالعين قمة
بين كل الغوالي
وانتِ للبذل هِمة
تجعل المر حالي
فدوتك فالملمة
بين بردٍ وصالي
فدوتك يالمهمة
دوك حالي ومالي
جعلني عنك يمة
والشقا والعنا لي