آخر أطوار الجنون

من تجين
ما أدري وش اللي يقلب الدنيا
ويخليها تزين؟
وش يجعل الأشيا كثير اجمل
وش يجعلك فوق العروش الأوله
في مملكات الفاتنين!
أحس ما كني بشر..
في شوفتك أتحول نجوم وقمر
واضوي لك الظلما شعر
واغردك مثل الوتر
واقول للفرقا دخيلك لو سمحتي لا تجين.
من تجين
أعطرك عطرين
عطر اشواقنا وعطر الحنين.
واغيب في طيب اللقا
والملتقى والياسمين
أشرب من النشوة حياة
أسقي تفاصيل الحياة
واحياك ياكل الحياة
في ساعتين
يا انتي ترى ماكنت انا قبلك
ولا بعدك بكون..
يا أول اطوار العقل
يا آخر أطوار الجنون.
يا اختصار العشق
والعشقات واللي يعشقون
لبيك لبيك وتراك اللي على كلي تمون
وشلون لا
وانت النظر وانت البحر
وانت السمر وانت الفتون
من تجين
أقول يا سبحان من سواك رب العالمين
يا أروع احساس تجاوز فلسفات المبدعين.