في حكمه الميمون نجدد البيعة

يا الله يا لمعبود يارب الأنام
تحفظ بلدنا يا عزيز الجلالي
ننعم بشرع الله و للدار خدام
آل سعود مبددين الضلالي
في ظلهم ما احد من الشعب ينضام
و الأمن راسخ في جنوب وشمالي
للشعب وافين وللبيت خدام
وحنا سندهم مقبلات الليالي
ما ننكر المعروف في بضع أيام
منا والوفاء ثابت ثبات الجبالي
يا اللي تبي التغيير للأمة إمام
صقر العروبة ما لغيره نوالي
من عهد ابو تركي ولانا مية عام
ولا زال في عهد الملوك الجزالي
ما عدلوا دستورنا أحزاب وأعلام
مطبقين الشرع في كل حالي
يخسون عدوان الشريعة والإسلام
عن دارنا يخسون يا هملالي
في ظل ابو متعب زعيم ومقدام
الشعب همه عزته في العلالي
في حكمه الميمون من سبعة أعوام
نجدد البيعة فرح و ابتهالي
المقدم / نايف بن سلطان الشغار