فك تمساح

برق السعد من بادي الوقت مالاح
وعذوق حظي بالفرح ماتدلت
ودي اريح نفسي شوي وارتاح
النفس من دنياي كلت وملت
كن الفرح متوشح عني وشاح
ولا الهموم لسوء حظي تجلت
اعطي حياتي روح واخسرلي ارواح
ومع كثر ماتاخذ ولاشي خلت
يارب عبدك جاك لرضاك نزاح
عينه من دموعه توضت وصلت
مازال عهده معك ثابت ولاطاح
لو ان نفسه للمعاصي تفلت
في عالم كله متاهات واترا
الوقت مقفي والمواثيق ولت
واصلاحنا نفسه يبي وقفة اصلاح
في امة عن سيف نصرك تخلت
جغرافيا الاسلام بيدين جراح
اعروق جسمه بالضغاين تملت
وتاريخنا كله على فك تمساح
بمستنقع فيه الطحالب تعلت
عفاس بن حرباش