قراح الرجولة

تقرى مقاطع عزتك روح وسلاح
ويراق دم انسان وتعيش دوله
حنا شعب لاضاع للصبر مفتاح
نعيش هذا الموت عرضه وطوله
نشتاق نستشهد وتشتاق الارواح
تروي ملاحمها حكاية بطوله
توأد نوايا والعلَم فوق ماطاح
ياموطني هذا الشرف من يطوله
نموت دونك ننتصر حب وكفاح
نسقي حدودك من قراح الرجوله
حنا سعوديين ظلما ومصباح
دون الوطن جندك ترابط خيوله
هذا جبل دخان بارواحنا فاح
حتى سما بالعز صوله وجوله
زمره خططها ليل والنور وضاح
ندرك نواياها ونعرف ميوله
للطائفيه تطرز الذله وشاح
وتصغر ويصغر حلم من صفقوا.. له
دميه يحركها العبث وين ماراح
أداة في كل اتجاه مخذوله
أهدافها تزرع من افكار سفاح
وتموت قبل الحلم تكمل فصوله
وحنا على درب التكاتف والاصلاح
شعب لابو متعب ولانا .. نقوله
ونجسده واقع مسرات وافراح
وتعيش دولة ماهي اياة دولة.
سعيد العمودي