مبروك يا متعب وهذي التحية

مع التحية والاجلال لسيدي صاحب السمو الملكي الأمير متعب بن عبدالله بن عبدالعزيز بمناسبة تعيينه وزيرا للدولة وعضو مجلس الوزراء ورئيس الحرس الوطني
للشاعر العقيد م . محمد فراج الشهري
عز الله انك فوق كل المناصيب
يا متعب الانسان صافي السجيه
أعطاك ربي فوق تاج المراتيب
وأنت الذي مولود في العسكريه
أسست ميدان الشرف والمراقيب
وأبدعت في الترتيب روحه وجيه
اليوم نبدي لك كثير التراحيب
كفوا الرياسة والدروب العليه
عز الله انك قايد له تجاريب
فوق السنين ومع صفات جليه
كل يعرفك ما نت راعي عذاريب
محشوم ذكرك عن علوم رديه
انشهد انك سيد له تراتيب
صقر الصقور اللي سماها عليه
شيهان يهوى عاليات المراقيب
كفه خطير لو ناله بنيه
هذا الحرس في عهدتك والمواجيب
وأنت الذي قايد وروحك أبيه
يفخر حرسنا والجنود المهاذيب
بقيادتك وطبوعك المنهجية
يا سيدي لك سطوه تقهر الذيب
عزم كبير وهمة صيرميه
ما انت الذي تمنعه كثر العراقيب
عن نية ناوي بها معلنيه
منصب عظيم للعظام المناديب
تستاهله يا الكفو راع الحميه
قايد رشيد ما خفته التداريب
والحكمة العليا مع المقدريه
مبروك يا متعب وجعلك على الطيب
يحميك ربي من شرور البريه
حنا رجالك في صعاب المشاريب
لا قلت هيا تعرف الجاهزيه
نفدي وطنا والملك والمعازيب
لارواح نبذلها تقدم هديه
وحنا لابو متعب جنود مقاطيب
في طاعته نهدي النفوس الزكيه
رهن الاوامر في الظروف المعاصيب
فدوة وطنا في الضحى والعشيه
وآخر كلامي عودة للمواجيب
مبروك يا متعب وهذي التحيه