قضية ضد مجهول

في بالي أشياء وحلم مات مقتول
وأعياد مرت ولا أدري من سرقها
والحب دايم قضية ضد مجهول
لو يصبح أرواحنا ضيق وغبقها
مثل البحر لو طغى ما هو بمسؤول
ما خبر السفن عن حزة غرقها
بحارته لو تكلم عنّه تقول
به غبة يلعب الموت بشنقها
لو غاب عن شارع العشاق مهبول
الحب ما فيه روح ما طرقها
طال المساء في رضاه ونوخ زحول
وخلى وجيه الحياء يندا عرقها
ليت المحبة ملامح شخص ودلول
ما كان الأرواح تلقى من عشقها
لو للأماني وطول الصبر مفعول
ما كان خانت محازمنا فشقها
كفي جفاه العناق وخد مبلول
وعيني يرافق مساريها أرقها
محميتك لو سقاها منك هملول
ما كان حتت من غيابك ورقها
سلمتك البال وأنت تقول وتطول
شمسك تعب من مرافقها شفقها
وأنا افقر الناس عذر وضحك وحلول
إما احترى ضيقته وإلا سبقها
وما عاد أبي أعيد من حولٍ إليا حول
ليته يرجع لي أعياداً سرقها