اللي مثل سلطان وشلون نرثيه

اللي مثل سلطان وشلون نرثيه ..!!
لو مت ياسلطان/ بقلوبنا حي
الميّت اللي مات ذكره / وطاريه
يارب اسآلك /واطلبك /وارفع يدي
ياواحد ٍ كل الخلايق تناجيه
عفوك /ولطفك /باللذي يشبه/ الضي
في طلته/ وبضحكته /وبتعاليه
ماله شبيه ولامثيل ٍ ولا زيّ
إ لا السحاب/ ليا نثر كلّ مافيه
يارب تجعل منزله/ روضه وفيّ
يسعد بقبره /وبنعيمك تجازيه
سلطان/ ولياقلت سلطان يكفيّ
و اللي مثل سلطان/ وشلون نرثيه
لو مت ياسلطان/ بقلوبنا حي
الميّت اللي مات ذكره/ وطاريه
لوغبت تبقى صورتك/ مثل ماهي
بقلوبنا ذكرك, فعولك تعليه
شعر / عطاالله ممدوح