نواف بن فيصل يرثي الملك عبدالله: ب"الوجد" ودعناك يا أغلى فقيده

رثى الأمير نواف بن فيصل بن فهد خادمَ الحرمين الشريفين الملك عبدالله بن عبدالعزيز -رحمه الله- في قصيدة رثائية حزينة، نقل فيها مشاعر الحزن التي عمت الشعب السعودي، وتطرق في أبياتها لمحبة الوطن ومحبة الشعب لخادم الحرمين الشريفين الملك سلمان بن عبدالعزيز -حفظه الله-.
وتنشر "سبق" قصيدة الأمير نواف بن فيصل كاملة:
بالوجد ودعناك يا أغلى فقيده
وسط الدعاء وعبرة الناس والدار
والكل في حزنه ولا شي بيده
ويا جعل أبومتعب بفردوس الأبرار
راح ورحل والله يصبر عبيده
اللي عمت عقبه من الدمع الأبصار
راح ورحل والكل يجني حصيده
اللي نذر عمره للأقراب والجار
راح ورحل والمجد هذا شهيده
هذا شهيد المجد والمجد له كار
ويبقى الوطن فينا شعور وقصيدة
وأمانة نشيلها كبار وصغار
حب الوطن ماهو كلام نعيده
حب الوطن إيمان وإخلاص وإصرار
نبني فضاه وبالسواعد نشيده
ونحمي ثراه ودونه تهون الأعمار
من كل فضل يا عسى الله يزيده
ويحميه من جور الليالي والأكدار
في ظل راعي كل نظرة سديدة
حكيمنا وزعيمنا وفخر الأحرار
عز الوطن حبيبه وعيد عيده
مليكنا سلمان القايد البار
أبوفهد نبض الكيان وعقيده
واللي على ممشاه شعب الوفا سار
واللي سرى حب الثرى في وريده
واللي زهت فيه القوافي والأشعار