قال الرئيس عبدالفتاح السيسي، خلال كلمته التي ألقاها بماراثون الدرجات الذي دعا له وشارك فيه صباح اليوم، الجمعة ، من أمام الكلية الحربية وحتى قاعدة شرق مرور بجوار سور المطار ، لمسافة 20 كيلو متراً، "تعالوا نحب بعضنا كويس ،أيوه مش هتتبني بلدنا غير كده" مضيفًا يعني أنا لو اتمشيت إن كنت أقدر أو لقيت وسيلة زي دي "الدراجة" يبقى أنا في اليوم اللي هعمل فيه كده حهدي مصر 16 جنيه" وذلك بحسب ما نشرته "بوابة يناير" صباح اليوم. وتابع: أرحب بكم جميعًا، كل المشاركين معانا في هذا النشاط اللي رمزه معناه إن إحنا ممكن بالحجم الكبير ده نبقى متجمعين عشان هدف واحد.. هدف بناء هدفه وحدة وعدم اختلاف، وأنا لما أجيب شباب من مصر مع شباب من الجيش مع شباب مع الشرطة بقول ببساطة خالص وكمان أي حد عايز يشارك معانا لازم نعرف بعض كويس، ولازم نحب بعضنا . وأضاف : لما أجيب شاب من الجامعة وأقول له تعالى أقف جنب أخوك اللي هيتخرج من الشرطة هو أخوك بيحبك وأنت كمان تحبه، لما أجيب شاب من الجامعة وأقول له خليك مع أخوك طالب الجيش طالب الكليات العسكرية خليكم مع بعض اعرفوا بعض أصل أنتم مش غرب عن بعض. وتابع السيسي: الهدف مش فكرة إننا نعمل نشاط ورياضة بس فيه رمز للموضوع وللوحدة وحدتنا كلنا كشعب.. وعاملين النشاط عشان كده والفكرة بتاعته مبينة إن عندنا كتير يجمعنا، وإحنا المصريين نتجمع على قلب رجل واحد ولا نختلف أبدًا والمجتمع كله يبقى معانا النهارده من كل أطياف المجتمع من الإعلام الفنانين. واستكمل ضاربا مثلا: لو حضرتك راكب عربية هتدفع تقريبا 4 جنيه في ال20 -25 كيلو ومصر هتدفع 8 جنيه في ال20 كيلو دول.. ياه يعني أنا لو اتمشيت إن كنت أقدر أو لقيت وسيلة زي دي يبقى أنا في اليوم اللي هعمل فيه كده هدي مصر 16 جنيه، أيوه.. طيب لما يكون فيه 3000 آلاف بيعملوا كده يبقى اليوم فيه كام أنا قلت على مشوار واحد. وشارك فى الماراثون كلا من المهندس إبراهيم محلب رئيس مجلس الوزراء والفريق صبحي صدقي وزير الدفاع واللواء محمد إبراهيم وزير الداخلية والمهندس خالد عبد العزيز وزير الشباب والرياضة وغادة والي وزيرة التضامن الاجتماعي. وحضر الماراثون عدد كبير من الفنانين منهم عزت العلايلي ، وحسين فهمي ، ومصطفى شعبان ، وداليا البحيري ، ويسرا وهاني رمزي، وليلى علوي وغيرهم من نجوم الفن. وحرص السيسي ومحلب والوزراء على قيادة الدراجات مع عدد من الفنانين والإعلاميين وشباب الجامعات وطلاب الكلية الحربية وكلية الشرطة، وكان رئيس الجمهورية على رأس السباق من البداية للنهاية. كما تفقد السيسي الحالة الأمنية والخدمات المكلفة بتلك المنطقة أثناء رياضته الصباحية. روابط الفيديو: http://www.youtube.com/watch?v=_D5ixCw4Nxg#t=56 السيسي ، والمركز الأول: http://www.youtube.com/watch?v=14Qd8ZUrGRk
