بروق المجد

من البحر لين البحر ومْن النفود لْيا النفود
لاحت بروق المجد والعزّه وهبّت نودها
في دولةٍ تحكم بشرعِ الله وتْقيم الحدود
ولافيه دوله مثلها من بحرها لنفودها
أمن وامان ونعمه من الله وخيراتٍ تزود
في ظل حكامٍ على النهج الصحيح تقودها
دارٍ ورثنا حبّها ميراث من ورث الجدود
وليا دعتنا كلنا في كل وقت جنودها
ناقف لها ونكرّس لْعمرانها كل الجهود
ولايبلّ كبودنا إلاّ قراح عدودها
فيها تعلمنا المحبه والترابط والصمود
وكيف البلاد اللي نعيش ابْها نصون حدودها
وياسيدي سلمان بن عبدالعزيز بن سعود
هذي شعوب المملكه جاتك بكل وفودها
اتبايعك ياسيدي بيعة مواثيق وعهود
باسم الرجال اللي تعيش ولاتخون عهودها
على الوفا والسمع والطاعه وتكريس الجهود
في خدمة ارض المملكه والذود دون حدودها