حزني تجدد

سهيل بان وفيه حزني تجدد
حزني لابان سْهيل ماهو على طير
حزني على اللي ليت عمره تمدد
اخوي ليته حي واشوفه بْخير
مرت سنه منّصاع واحسب واعدد
حزة تناهيتي على صبح وعصير
لاجيت مدخال الجبيل اتصدد
واطراف جلموده وحي الفناتير
ياما عليهن بالحياة ايتردد
يوم السعد له في عيوني تباشير
راح ومزاجي في سروره مهدد
ماعاد للفرحة بوجهي تعابير
منهار لكن فالعزوم اتشدد
في غفوة السلوان للحزن تأثير
اشجب راوبع وقت قفى واندد
واعيد ذكرى في خيالي وتصوير