ذكرى السنين

ياحبيبي جد مافيها مزاح
انت كل الحب فيني والحنين
كم نثرتك ورد من ثغر الصباح
وفاح عطرك عشق ياذكرى السنين
مقدر انسى وانت في قلبي مراح
واعذب النسمات يانبض الوتين
لو تغيب وتلبس الفرقا وشاح
اهدني صوتك على هيئة انين
ودي ارمي الحزن في حضن النياح
دامك بقلبي وبعيوني سجين
ماخاف البرد واصوات الرياح
ولا اخاف الشك واحضانك يقين
لاتجيني طير مكسور الجناح
ولا تقول انك من الفرقا حزين
عودتك للحظة اغاني وانشرح
أورقت منها زهور الياسمين