ضحايا الحب

الحب ساحة معركة في محانيك
لا سيف لا بندق ولا من ذخاير
أعلنت لك هدنة عسى الله يجازيك
ورفعت لك بيرق على أقصى العماير
ما عاد فيني حيل حتى انت ما فيك
واحسب ضحايا الحب واجمع خساير
تعال نعقد قمة الصلح وارضيك
في مؤتمر حبي وأزف البشاير
من غبت كني في بلاد المماليك
حظي رماني بين باير وجاير
مثل الفريق اللي لعب دون تكتيك
لا روح لا ردة فعل لعب حاير
وان جيتني يخضع خافوقي يناديك
ويجيك قلبي من عناء الشوق طاير
يا غالٍ عذب القصايد تجي فيك
كنك ونفسي بالمحبة خشاير