سواليفك

حياتي لي.. توسّع صدري الضايق
دخيلك لا توقف.. ياحلا الأيام.. سولف لي
مادام أن الوصل بيني وبينك.. صار به عايق
وسوء الحظ والطالع.. بدرب الوصل.. وقف لي
غلانا لبعضنا يكبر.. وكلِ للوصل تايق
وعلى رجوى الأمل قلبك.. بأحاسيسك يوصف لي
يعاندنا الفرح دايم.. وقلبي للصبر طايق
وعلى الحرمان جعل الله ينصرني.. وينصف لي
صدى آهاتي يرددها فؤاد للقهر ذايق
من الشوق الكبير.. يردد آهاته ويوصف لي
أنا أولّه عليك ولا سواك من البشر لا يق
اذا جت لهفة اشواقك تداعبني وتهتف لي
يضيق الكون لين أمسى حبيب العمر متضايق
عن الخافي.. فرح.. وأحزان.. صدى النبرات يكشف لي
متى تضحك لي الدنيا.. وأشوفك والفكر رايق
وأحس الفرق بين الشوف لك.. والا السوالف لي