لحظة وداعه

جاني يقول الضيق يابنت ممنوع
اربع شهور ودمعتك مستباحه
مايدري ان القلب فْ الحزن منقوع
وبعد المفارق مابه آيّات راحه
لحظة وداعه حبل الأنفاس مقطوع
والآه يرمي في حشايه رماحه
ودعته وروحي من افراقه تْلوع
ودمعي بوسط العين تعصف رياحه
حبه بقلبي من زمن فات مزروع
من صغر سنّي تحت راية جناحه
مات وترك قلبي من البعد مفجوع
وكنّي غريقه ما تعرف السباحه
من غاب عنّي كل مافيّ موجوع
والوقت متساوي مساه وصباحه
مالي سواه الصبر طيّب ومشروع
واللّي اعدّه في حياتي رباحه