المواقف

الشاعر سالم بن وحير تعرض لوعكة صحية مؤخرا خرج منها سالما ولله الحمد.. وقد كتب هذه القصيدة يحمد الله ويشكره أن منّ عليه بالشفاء، ويشكر فيها كل من سأل عنه.
اطلب الله واترجى بمطلوبي
الرضا في ساعةٍ يعرض كتابي
جعل ما جاني يكفر من ذنوبي
والله اعلم عن خطاياي وادرابي
احمد اللي بالشفا يسر دروبي
والشكر للي جبر عظم منصابي
يوم صار امر مقدّر ومكتوبي
في يده من قدرته كل الاسبابي
كل صنديدً مجرب ومحسوبي
فالمواقف والملازيم ماغابي
معدن الطيًب له الاسم منسوبي
وافي الاشبار يحسب له حسابي
والاصيل اللي من الساس مجذوبي
يجذبه طيب السموه والانسابي
مافقدت من المطاليق ماجوبي
من وفا ربعي ومن طيب الاصحابي
كلهم في ساعة الضيق صفوبي
ياعجب عيني ويا قمة اعجابي
والثناء مردود بسمي ومن صوبي
والشكر واجب لعكفان الاشنابي
جعلهم من كل سوءٍ ومكروبي
يسلموون اهل المواجيب والجابي
للرجال اهل المهمات والنوبي
ترفع البيضا على كل مرقابي