كان بيت الأسبوع الماضي للشاعرعثمان ابراهيم الرشيد من الرياض حول قول المصطفى صلى الله عليه وسلم ما أنزل الله داء إلا وأنزل الدواء عرفه من عرفه وجهله من جهله00 ويقول الشاعر مانزل الله مرض إلا معه طبه00 عليك بالله ومن ثمٍ بالاسبابِي00 وكانت الأصداء من الشعراء حول هذا البيت: الشايعه تنتشر تدري من السبه اللي يغرد بتغريده وكذابي هو ينشر الشايعه ماخاف من ربه هو دارينه بعد يلعب وكذابي مهوب صاحي مريض ومالقي طبه يقول انا طبت لكن مابعد طابي سعد صنهات السهلي - الدرعيه بعض البشر لامرض تنتابه الخبه مايدري انه بدال الصبر ينثابي مايبتلى العبد الا ربه يحبه واللي يبا الخير لازم يطرق البابي وإليا حصل شيء من ربك ترحبه خلك مسلّم ولاتجزع وترتابي علي رشيد الرشيد- رياض الخبراء اللي من الله مكتوبن يا مرحبه متوكلين على الله فاتح البابي والعلم من مصدره يوخذ ويوثق به من غير لا تعتمد لو جابه أحبابي حيث إن لنا كادرٍ طبي ويحسبه شباب منا قرو في علم لطبابي محمد العيسى- مكةالمكرمة طبه من الله وعلاجه طاعته ربه ومن يعبد الله تراه اليوم ما خابي من طاع ربه يلقى الخير ويحبه وعلاجك اللي تبي من رب الأربابي ومن طاوع بليس شفه اليوم يلعب به صعب علاجه ويبقى دوم منصابي محمد عبدالعزيز الخنيفر- أشيقر حنا نتوكل على المعبود ونحبه هو الولي عالم في سر الاطبابي الشافي الله هو اللي يعلم الغبه لامن بلاك العظيم وصرت منصابي تصبر واطلب الله والدعاء لبه ترى العمر مده تحسب بحسابي حمد عبدالله الوايلي- حوطة سدير تصيدو للعلاج وشوفو السبه بحث وتحري وفعل انواع الاسبابي العلم مثل البحر والسر فالغبه كل ما تمادى توضح عندك الغابي وابن ادم لا يقوم إبليس يلعبه اية تعب قال جاه وصار منصابي غنام مسعود القريني - نعام ابعد عن الساحر للي فاتح عبه ليا قرب منك قل ودر يالارهابي سبع المثاني شفا للعبد من ربه ومعهن ثلاث السور خاتمة الاكتابي كتاب ربي شفا للقلب ونحبه يا دارس الطب تاجد فيه الاطبابي بدر الحزيمي عالج مريضك وسم بالله واتنبه ترى علاج المرض من كل الاعشابي كل الشجر والنبات حاليها والقبه فيها منافع كثيره حيل واظبابي واحذر من اللي صبى عن دينه وربه لا يخدعك ساحر يا صاحبي صابي علي الزولاني الفيفي - بيشة بيت الاسبوع يكتبه للصفحه معد الزاوية عادي بن رمال الشمري حول ظاهرة انتشار القصات الغربية في الملاعب السعودية ومنها القزع والتي تنافي ديننا وعاداتنا وتقاليدنا وهؤلاء اللاعبون هم قدوة للكثير من شباب الوطن والبيت يقول: صار القزع وسط الملاعب طبيعي والنار تبدا ياعرب من شراره نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس 4871070/ 011 ونرحب بطرح بيت الأسبوع وهو من اختيار الشعراء وفي اي موضوع يختاره الشاعر
