لآلئ شعرية

يقصر طوال السوالف طويلين الشبور
يدركون العلم ويجملّون ليا نخوا
الطيور انواع واشكال لكن الصقور
لا كفخت فز النشامى وشاشوا وكفخوا
فزعةٍ تعطيك لاحتجتها كرت العبور
لادركوها من بغوها تهنّوا وطنخوا
وفزعةٍ تورث على الكبد امرّ من المرور
لاكتشفت اللي من الهرج دنّوا وملخوا
عارضين نفوسهم في السعه معروض زور
زانت الايام قدامهم لين بذخوا
وجرّوا اردان المشالح معازيب القصور
كثرت الانعام لين استزادوا وربحوا
يا مدوّر فزعة الجاه مفتاح السرور
اخذ علم اللي لا شافوا مناخه نوّخوا
لا بغيت تقوم فالكايدات من الامور
لا تحزّم لا تحزمت بحزامٍ رخو
ما يبل الكبد ويدخّلك جو الغرور
غير ابن عمٍ تعدّه ليا عديّت اخو