كرت العبور

يقصر طوال السوالف طويلين الشبور
يدركون العلم ويجملّون ليا نخوا
الطيور أنواع وأشكال لكن الصقور
لا كفخت فز النشامى وشاشوا وكفخوا
فزعةٍ تعطيك لاحتجتها كرت العبور
لادركوها من بغوها تهنّوا وطنخوا
وفزعةٍ تورث على الكبد أمرّ من المرور
لاكتشفت اللي من الهرج دنّو وملخوا
عارضين نفوسهم في السعة معروض زور
زانت الأيام قدامهم لين بذخوا
وجرّو اردان المشالح معازيب القصور
كثرت الأنعام لين استزادوا وربحوا
يا مدوّر فزعة الجاه مفتاح السرور
اخذ علم اللي لا شافوا مناخه نوّخوا
لا بغيت تقوم فالكايدات من الأمور
لا تحزّم لا تحزمت بحزامٍ رخو
ما يبل الكبد ويدخّلك جو الغرور
غير ابن عمٍ تعدّه ليا عديّت اخو