العنود

اللي خذت روحي فداها
كيف مدري بس خذت قلبي صحيح
الغنج والزين من ربي عطاها
والعسل والتوت بالوجنه يسيح
فتنةٍ تاخذ من القمراضياها
ماخذه كل الحلا ما له نطيح
يوم فلت شعرها والدور جاها
كل عذراء من جماله تستريح
بالكرم والجود عالي مستواها
بنت شيخٍ بالعطا ما هو شحيح
سقت له جاه القصايد في رجاها
كل بيتٍ من معانيها صريح
من ثلاث اشهور مغرم في هواها
يدفع احساسي للشعار المديح
واهني منهو قضى عمره معاها
ما تعذب في حياته مستريح
بالخبر تسكن هوى العين ومناها
وسط قصرٍ في ممراته فسيح
جعل دارٍ تسكنه يضوي سناها
ما طفى نوره ولا تطفيه ريح
بلغه مني قصيده محتواها
ترجمه شعري من القلب الصريح