قائد الأمة

سلمان بعد الحمل على العرب مال
قال العرب ماارضى عليها الهزيعه
اهويت بالأجرب على روس الأنذال
اليوم ماهو بكره ولا تبيعه
وجمع طحاطيح العرب جمعت أرتال
والله جمع ف قلوب الأعداء الفجيعه
وهبت هبوب النصر مع طيب الفأل
والحزم تدفعه الظروف السريعه
والله جعلها لعزنا طلقة عقال
وآذن بعاصفةٍ عليهم شنيعه
تجتاح عاصفة الحزم كل دجال
من بعد هبت من بلاد الشريعه
وسرت صقورٍ تحتها خيال وجبال
ومن فوقها ربٍ نصر من يطيعه
ليلٍ سرى ثلثينه وثلث مازال
والحوثي متكي حسين الطبيعة
ومتميزرٍ بحوكةٍ لونها شال
سوادها من قلب منهو صنيعه
مرتاح ماجينا على باله ببال
يحسب يمنا سلعة له يبيعه
وهوت على راْسه من الجو الأهوال
ماسرته كثر الحصون المنيعه
يابو فهد فزعتك تضرب بالأمثال
وتستلهمه سطو القلوب الشجيعة
ياقايد الأمه وياسيد الأبطال
وياغيث نهضتها وماطر ربيعه
يامعزي الوقفات يامعرب الخال
اضْربِّنا وحنا السيوف البتيعه
الله جعلك لعالي الهمه اخصال
ومدك بعون أهل الفعول النجيعه
مقرن ولي العهد جازم وبتال
تنزله الهامات لو هي رفيعه
ولي ولي عهده من الأُسْد ريبال
أعداء العقيده من يدينه صريعه
حليت يامحمد ابن نايف احلال
بقلوب شعبك والمشاعر تذيعه
يالله يامنزل تبارك والأنفال
نطلبك نصرك من قلوبٍ خشيعه
لجيش ٍ وزيره يغزي وشرعك ظلال
والمصطفى محمد رسوله شفيعه
جيشٍ قطاعاته لها عدة أشكال
وكلمة هل التوحيد راية جميعه
جنده قنابل حرب وصنوفه اذهال
وخبرات قواده فالأعداء ضلعيه
يزحف به محمد على الجبهه قتال
ويقطف ابن سلمان روس ٍ ينيعه
الله يامحمد يأيدك بنزال
ساعة نصر لمحتمين الشريعه