لاباس ياعيني

لا باس ياعيني من الحزن لاباس
شفتي وباقي في زمانك تشوفين
شعر الرثاء لو قلته اخماس واسداس
ماينجبر خاطر ولاتهتني عين
عبدالله اللي سيرته ترفع الراس
دوم نتفاخر فيه حينٍ بعد حين
من مات واعطونا خبر قطع الانفاس
نمسي ونصبح من وفاته حزينين
غلاه وسط صْدورنا ماله قْياس
ماينمحي لو طالت سنين وسنين
تواضعه معنا خذيناه نوماس
عفويته للشعب صارت عنوانين
عهده سما واصبح لنا فيه نبراس
عزز مكانتنا مابين البلادين
عسى جنان الخلد له بيت ولباس
ويصير بالفردوس .. له قولوا امين