صقر العروبه

سلام الله على صقر العروبه ماضي الافعال
حبيب الشعب ابو خيرين ابونا الحاكم الغالي
عسى ربي يعزه سيدي بالحل والترحال
ابومتعب بشوفه كل هم القلب ينجالي
يطول بفعله الطيّب وغيره لو حكا ماطال
ولد عبدالعزيز اللي بقدره دايمٍ عالي
ولد عبدالعزيز اللي بوسط قلوبنا مازال
ابوتركي عسى له في جنان الخلد منزالي
بطل صنديد صال وجال وانهى فتنة الجهال
ملكنا عزنا من بعد عز الخالق الوالي
رحومٍ بالضعيف وماتهزّه قومة العيّال
يورّيهم عقب عصر المعزه كل الاهوالي
ملكنا من غلاه نحط له بقلوبنا مدهال
صنع بالمجد سيره خالده في كل الاجيالي
عساه بخير وبصحه ودايم دوم بأحسن حال
فرحنا به وغنينا وزانت كل الاحوالي
يقوله شاعرٍ عزّم يشيل البيت بالموال
ويمدح ماضي الافعال بالاول وبالتالي
أحمد السكران